ہارون رشید بی بی سی اردو ڈاٹ کام، پشاور

	بڑے اشتہاری بورڈز بھی آندھی کا مقابلہ نہ کر سکے

ہلاک اور زخمی ہونے والوں میں اکثریت بچوں کی بتائی جاتی ہے۔

اس آندھی اور بعد میں ہلکی بارش سے پشاور میں کئی روز سے جاری شدید گرمی کا زور تو ٹوٹ گیا تاہم زندگی مفلوج ہوکر رہ گئی۔

نوے کلومیٹر کی رفتار سے چلنے والی آندھی نے کچے مکانات کی چھتیں اڑا دیں اور دیواریں گرا دیں۔ شہر کی بڑی شاہراہوں پر نصب بڑے بڑے اشتہاری بورڈز بھی آندھی کا مقابلہ نہ کر سکے اور زمین بوس ہوگئے۔

آندھی اور طوفان کے نتیجے میں درختوں کے گرنے سے بجلی اور ٹیلفون کا نظام بھی درہم برہم ہوگیا۔ کئی شہر کے کئی علاقوں میں بارہ گھنٹوں کے تعطل کے بعد بجلی بحال کی جا سکی۔

پشاور الیکٹرک سپلائی کمپنی ’پیسکو‘ کے ترجمان شوکت افضل نے بی بی سی کو بتایا کہ طوفان سے پشاور میں پچاس میں سے اکتیس فیڈر متاثر ہوئے۔ ان کا کہنا تھا کہ پشاور کے علاوہ نوشہرہ، مردان، چارسدہ اور ہنگو سے بھی نقصانات کی اطلاعات ملی ہیں۔ انہوں نے ایک اندازے کے مطابق طوفان سے بجلی کے نظام کو پہنچنے والے نقصان کی مالیت کروڑوں روپے میں بتائی۔