دلاور خان وزیر بی بی سی اردو ڈاٹ کام، ڈیرہ اسماعیل خان

	انتظامیہ قبائلی عمائدین کی مدد سے اغواکاروں کا سراغ لگانے کی کوشش کر رہی ہے

اغواء ہونے والوں میں تین خواتین بھی شامل ہیں۔ حکام کے مطابق محکمہ بہبود آبادی کے اہلکار بنوں سے میرانشاہ سے جا رہے تھے کہ نامعلوم نقاب پوشوں نے تحصیل میر علی کے گاؤں ناوراک کے قریب انہیں اسلحہ کے زور پر اغواء کر لیا۔

میرانشاہ کی پولیٹیکل انتظامیہ قبائلی عمائدین کی مدد سے اغواکاروں کا پتہ لگانے کی کوشش کر رہی ہے۔ لیکن تاحال یہ معلوم نہیں ہوسکا کہ اغوا کار کون ہیں اور وہ کیا چاہتے ہیں۔

یاد رہے کہ صدر جنرل پرویز مشرف نے اپنے ایک حالیہ انٹرویو میں کہا ہے کہ میروالی میں القاعدہ سے تعلق رکھنے والے عناصر موجود ہیں، جن کے خلاف انٹیلیجنس اداروں کی مدد سے آپریشن شروع کیا جائے گا۔