عبادالحق بی بی سی اردو ڈاٹ کام ، لاہور

	اس سے قبل دوکانیں رات آٹھ بجے تک بند کرنے کا فیصلہ کیا گیا تھا

یہ فیصلہ پنجاب کابنیہ کے اجلاس میں کیا گیا۔

قبل ازیں حکومت نے فیصلہ کیا تھا کہ بجلی کی کمی پر قابو پانے کے لیے دکانیں رات آٹھ بجے بند کردی جائیں گی۔ اس فیصلے پر سوموار سے عمل درآمد ہونا تھا تاہم تاجر برادری نے اس فیصلے کو تسلیم کرنے سے انکار کردیا تھا ۔

میڈیکل سٹور، ہسپتال ، کلینک ، بیکریاں اور ہوٹل رات آٹھ بجے بند کرنے کی پابندی سے پہلے ہی مستثنٰی ہیں۔

قومی تاجر اتحاد کے چیئرمین عنصر ظہور بٹ نے بی بی سی کو بتایا کہ پنجاب کابینہ کے فیصلے کے بعد تاجروں کا اجلاس جمعرات کو طلب کرلیا گیا ہے جس میں کابینہ کے فیصلے کے حوالہ سے مشاورت کے بعد اس پر عمل درآمد کے بارے لائحہ عمل مرتب کیا جائے گا۔

وزیر اعلٰی پنجاب چودھری پرویز الہٰی کی زیرصدارت ہونے والے کابنیہ کے اجلاس میں یہ فیصلہ کیا گیا کہ کاروباری مراکز رات آٹھ بجے کے بجائے نو بجے بند ہونگے۔

اجلاس میں وزیر اعلٰی پنجاب نے کہاکہ بجلی کی لوڈ مینجمنٹ کےپیش نظر تمام سرکاری محکمے روزانہ ایک گھنٹہ بچائیں گے جبکہ چیف سیکرٹری پنجاب کو ہدایت کی گئی کہ سرکاری دفاتر میں ائیر کنڈیشنروں کا کم سے کم استعمال کیا جائے ۔