عزیزاللہ خان بی بی سی اردو ڈاٹ کام کوئٹہ

	اس حملے کی ذمہ داری بلوچ رپبلکن آرمی نے قبول کی ہے جس کا نام پہلے نہیں سنا گیا

جعفرآباد سے پولیس انسپکٹر عبدالجبار نے بتایا ہے کہ رات کے وقت نہر پر کام کرنے والے مزدور واپس کیمپ کی طرف آ رہے تھے کہ اچانک نا معلوم افراد نے ان پر فائرنگ کردی۔

غیر مصدقہ اطلاعات کے مطابق حملہ آووروں نے چھ راکٹ داغے لیکن پولیس حکام نے اس کی تصدیق نہیں کی۔ حملے میں ایک ڈرائیور ہلاک اور ایک مزدور زخمی ہوا ہے۔

مقامی صحافی ہاشم بلوچ نے بتایا کہ ان دنوں نہر کی توسیع کا کام ہو رہا ہے اور اس پر مزدور کوئی ایک ماہ سے کام کر رہے ہیں۔

دریں اثنا ایک نا معلوم شخص نے ٹیلیفون پر اس حملے کی ذمہ داری ایک نئی تنظیم بلوچ ریپبلکن آرمی کی جانب سے قبول کی ہے۔ اس تنظیم کا نام پہلے کبھی نہیں سنا گیا۔