 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
افغانستان، پاکستان، انڈیا میں زلزلہ | ||||||||||||||||||||||||||||||||||||||||
افغانستان کے شمال مشرقی حصوں، پاکستان میں صوبہ سرحد کے بیشتر اور پنجاب کے کچھ علاقوں اور ہندوستان کے شمالی علاقوں میں منگل کی صبح زلزلے کے جھٹکے محسوس کیے گئے۔ تاہم کہیں سے کسی جانی یا مالی نقصان کی کوئی اطلاع نہیں۔ اسلام آباد میں محمکۂ موسمیات کے اہلکاروں نے بتایا ہے کہ ریکٹر سکیل پر زلزلے کی شدت پانچ اعشاریہ آٹھ تھی اور یہ زلزلہ صبح آٹھ بجکر انتالیس منٹ پر آیا۔ بعض مقامات پر خصوصاً صوبہ سرحد کے کچھ علاقوں میں زلزلے کے جھٹکے کافی شدید تھے جس سے لوگ گھروں سے نکل کر باہر چلے گئے۔ ادھر خبر رساں ادارے اے ایف پی کے مطابق زلزلہ ہندو کش میں آیا جس نے شمال مشرقی افغانستان کے بیشتر علاقوں کو ہلاکر رکھ دیا۔ دارالحکومت کابل میں عمارتیں لرز کر رہ گئیں۔
امریکی ارضیاتی سروے کے مطابق شمالی مشرقی افعانستان کے صوبے بدخشاں میں آنے والے اس زلزلے کی شدت چھ اعشاریہ دو تھی اور اس سے زمین میں دو سو کلومیٹر تک ارتعاش پیدا ہوا۔ اس کے علاوہ ہندوستان کے شمالی علاقوں خصوصا جموں اور کشمیر، پنجاب، ہماچل پردیش اور دارلحکومت دلی ميں بھی منگل کی صبح زلزلے کے جھٹکے محسوس کیے گيے ہیں۔ ابتدائی اطلاعات کے مطابق زلزلے سے کوئی جانی یا مالی نقصان نہیں ہوا ہے۔ خبر رساں ادارے پی ٹی آئی نے محکمۂ موسمیات کے اہلکاروں کے مطابق ریکٹر سکیل پر زلزلے کی شدت پانچ اعشاریہ نو تھی اور یہ زلزلہ صبح نو بج کر پانچ منٹ پر آیا۔ دلی میں بعض لوگوں کا کہنا تھا کہ انہوں نے صبح نو بجے کے قریب زلزلہ محسوس کیا جو تقریبا پانچ سے دس سیکنڈ تک رہا۔ ہماچل پردیش، پنجاب اور ہندوستان کے زیر انتظام جموں اور کشمیر کے بعض علاقوں میں بھی زلزلے کی وجہ سے کچھ وقت کے لیے عوام میں سراسیمگی پھیل گی۔ |  اسی بارے میں  الائی: گڑگڑاہٹ، دھماکے اور جھٹکے02 December, 2005 | پاکستان آٹھ اکتوبر کے بعد طاقتور ترین زلزلہ06 November, 2005 | پاکستان پورے پاکستان میں چار زلزلہ انجینئرز28 November, 2005 | پاکستان برفباری، مزید جھٹکے، راستے بند 27 November, 2005 | پاکستان | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
خبر رساں ادارے پی ٹی آئی نے محکمۂ موسمیات کے اہلکاروں کے مطابق ریکٹر سکیل پر زلزلے کی شدت پانچ اعشاریہ نو تھی۔ ہماچل پردیش، پنجاب اور ہندوستان کے زیر انتظام جموں اور کشمیر کے بعض علاقوں میں بھی زلزلے کی وجہ سے کچھ وقت کے لیے عوام میں سراسیمگی پھیل گی۔
