ریاض سہیل بی بی سی اردو ڈاٹ کام کراچی

	اس سے قبل پولیس آکاش کی گرفتاری سے لاعلمی کا اظہار کرتی رہی

جئے سندھ قومی محاذ کے سابق ترجمان آکاش ملاح کو سات ماہ قبل حیدرآباد کے علاقے قاسم آباد سے پولیس نے گرفتار کیا تھا۔

میرپورخاص پولیس کا کہنا ہے کہ آکاش ملاح کو بس ٹرمینل سے پچاس گرام چرس سمیت گرفتار کیا گیا ہے۔ پولیس نے انہیں مقامی عدالت میں پیش کیا تھا جہاں سے جیل بھیج دیا گیا تھا۔

آکاش ملاح کی گمشدگی کے خلاف ان کے اہل خانہ نے ہائی کورٹ میں ایک درخواست بھی دائر کی تھی۔ اس سے قبل پولیس ان کی گرفتاری سے لاعلمی کا اظہار کرتی رہی ہے۔

واضح رہے کہ جئے سندھ قومی محاذ کے مرکزی سیکرٹری جنرل صفدر سرکی ابھی تک لاپتہ ہیں، ان کی جماعت نے سندھ میں لاپتہ ہونے والے سیاسی کارکنوں کی رہائی کے لیے اٹھارہ مارچ کو سکھر سے کراچی تک مارچ کرنے کا اعلان کیا ہے۔