عزیزاللہ خان
بی بی سی اردو ڈاٹ کام کوئٹہ |  |
| | | تباہ ہونے والا طیارہ ایف سیون ساخت کا تھا (فائل فوٹو) |
کوئٹہ کے قریب پاک فضائیہ کا ایک طیارہ گر کر تباہ ہو گیا ہے جس سے طیارے میں سوار دو پائلٹوں میں سے ایک ہلاک ہوگیا ہے۔ پولیس حکام کے مطابق طیارہ اپنی معمول کی پرواز پر تھا کہ اچانک کوئٹہ کے مضافات میں خروٹ آباد کے علاقے میں گر گیا۔ ڈپٹی سپرنٹنڈنٹ پولیس رحمت اللہ نیازی نے بتایا ہے کہ طیارہ کھلے میدان میں گرا ہے ۔ چھاؤنی سے حکام نے بتایا ہے کہ یہ ایف سیون طیارہ تربیتی پرواز پر تھا لیکن اب تک یہ معلوم نہیں ہوسکا کہ گرنے کی کیا وجہ تھی۔ اس حادثے میں ایک پائلٹ ہلاک جبکہ دوسرا محفوظ رہا ہے۔ خروٹ آباد کا علاقہ ایئرپورٹ کے رن وے کے قریب واقع ہے جہاں آبادی بھی ہے۔ واقع پر ردعمل جاننے کے لیے پاک فضائیہ کے حکام سے فی الحال رابطہ نہیں ہوسکا ہے۔ | 
فضائیہ کا لڑاکا جہاز گر کر تباہ
