ریاض سہیل بی بی سی اردوڈاٹ کام، کراچی

	سول ایوی ایشن کی انتظامیہ کے مطابق طیارہ غلطی سے ایئر بیس پر اتارا گیا تھا

پی آئی اے کے ترجمان کا کہنا ہے کہ بوئنگ سیون تھری سیون طیارہ لیز پر لیا گیا ہے۔ جہاز کو ترکی سے تعلق رکھنے والا پائلٹ چلا رہا تھا۔

ترجمان کا کہنا ہے کہ ائیر بیس سے تعاون کے بعد طیارے کو ایک گھنٹے کے بعد جناح ایئر پورٹ پر اتارا گیا۔

انہوں نے بتایا ہے کہ طیارہ دبئی سے آیا تھا اور اس نے پاک فضائیہ کے ایئر بیس فیصل پر پونے ایک بجے کے قریب باحفاظت لینڈنگ کی۔

سول ایوی ایشن کی انتظامیہ کا کہنا تھا کہ طیارہ غلطی سے ایئر بیس پر اتارا گیا تھا۔

پی آئی اے کی انتظامیہ نے کہا ہے کہ اس جہاز کے عملے کو ڈیوٹی سے ہٹایا گیا ہے جبکہ حقائق جاننے کے لیے تحقیقات کی جارہی ہیں۔ واضح رہے کہ کراچی ایئر پورٹ اور فیصل ایئر بیس ایک دوسرے کے نزدیک واقع ہیں۔