عزیزاللہ خان
بی بی سی اردو ڈاٹ کام، کوئٹہ |  |
| | | قانون نافذ کرنے والے اہلکاروں نے کچھ افغانیوں کو گرفتار کیا ہے |
بلوچستان میں مشتبہ طالبان کے ایک اہم رہنما کی گرفتاری کی خبر تین روز سے گردش کررہی ہے لیکن سرکاری سطح پر اس کی تصدیق نہ ہونے کی وجہ سے ابہام پایا جاتا ہے۔ جمعہ کو طالبان کے سابق وزیر دفاع ملا عبیداللہ اخوند کی گرفتاری کی متضاد اطلاعات گردش میں ہیں۔ پیر کے روز سے ایسی اطلاعات موصول ہونا شروع ہوئیں تھیں کہ بلوچستان میں قانون نافذ کرنے والے اہلکاروں نے کچھ افغانیوں کو گرفتار کیا ہے جن میں مشتبہ طالبان کے ایک اہم رہنما شامل ہیں۔ اس روز پولیس نے مسجد روڈ سے ایک ہوٹل سے کچھ افغانیوں کو فارن ایکٹ کے تحت گرفتار کیا تھا جن کے بارے میں کہا گیا تھا کہ ہوسکتا ہے یہ لوگ طالبان کے حامی ہوں لیکن ان میں طالبان یا طالبان کا کوئی رہنما شامل نہیں ہے۔ پولیس نے کہا تھا کہ یہ گرفتاریاں جرائم میں ملوث افراد کے خلاف جاری مہم کا حصہ ہیں۔ | بلوچستان پولیس کی تردید  بلوچستان کے انسپکٹر جنرل پولیس طارق کھوسہ سے پوچھا تو انہوں نے کہا کہ اس طرح کی کوئی گرفتاری یہاں بلوچستان میں نہیں کی گئی ہے۔ انہوں نے بتایا کہ ان سے دیگر ذرائع ابلاغ کے نمائندوں نے بھی رابطے کیے ہیں اور انہوں نے اس کی تردید کی ہے۔  |
اس سلسلے میں متعلقہ حکام سے رابطے کیے تو سب نے اس کی تردید کی ہے۔ بلوچستان کے انسپکٹر جنرل پولیس طارق کھوسہ سے پوچھا تو انہوں نے کہا کہ اس طرح کی کوئی گرفتاری یہاں بلوچستان میں نہیں کی گئی ہے۔ انہوں نے بتایا کہ ان سے دیگر ذرائع ابلاغ کے نمائندوں نے بھی رابطے کیے ہیں اور انہوں نے اس کی تردید کی ہے۔ اس کے علاوہ محکمہ داخلہ کے حکام نے بھی اس اہم گرفتاری کی بارے میں لاعلمی کا اظہار کیا ہے اور کہا ہے کہ اگر اس طرح کی گرفتاری کی گئی ہوتی تو انہیں معلوم ہوتا۔ ماضی میں جب اس طرح کی کوئی نمایاں شخصیات کو گرفتار کر لیا جاتا تھا تو اس کی تصدیق یہیں کوئٹہ میں ہوجاتی تھی لیکن گزشتہ کچھ عرصے سے جب بھی اس طرح کی کوئی گرفتاری کی گئی ہے تو اس کی تصدیق کوئٹہ میں نہیں کی گئی بلکہ اسلام آباد میں وزارت داخلہ یا وزارت اطلاعات کے حکام نے کی ہے۔ لیکن اس مرتبہ نہ تو کوئٹہ میں اور نہ ہی اسلام آباد میں حکام اس کی تصدیق کر رہے ہیں کہ ملا عبیداللہ اخوند گرفتار ہوئے ہیں یا نہیں۔ | 
باجوڑ: قبائل اور حکومت میں معاہدہ
