علی سلمان بی بی سی اردو ڈاٹ کام، لاہور

	مقدمے کی سماعت جیل میں ہوئی اور وہیں سزائیں سنائی گئیں (فائل فوٹو)

چار جون سنہ دوہزار پانچ کو کھاریاں کی عدالت میں ایک مقدمہ قتل کے سلسلے میں آنے والے آٹھ افراد کو ان کے مخالفین نے فائرنگ کرکے ہلاک کردیا تھا جبکہ حملے میں چند افراد زخمی بھی ہوئے تھے۔

دونوں فریقین میں پینتالیس برس سے دشمنی چل رہی ہے جس میں پہلے ہی متعدد افراد قتل ہوچکے تھے۔

آج بری ہونے والے ایک ملزم کالے خان کو ایک دوسرے مقدمے میں ڈیڑھ برس پہلے ہی دو بار سزائے موت اور ایک لاکھ روپے جرمانہ کی سزا دی جاچکی ہے جس وجہ سے کالے خان پہلے سے ہی کال کوٹھڑی میں بند ہے۔

حالیہ مقدمے کی سماعت جیل کے اندر ہوئی اور جیل کے کورٹ روم میں ملزموں کو بلا کر انہیں سزاسنائی گئی۔

سزا پانے والے تمام افراد کو ساڑھے نو نو لاکھ جرمانہ بھی ادا کرنا ہوگا۔

اس مقدمہ میں مجموعی طور پر ستائیس ملزمان نامزد تھے جن میں سے سات کو سزا، تین کو بری کیا گیا ہے جبکہ بارہ ابھی تک مفرور ہیں۔