عدنان عادل بی بی سی اردو ڈاٹ کام، لاہور

	پانچ میتیں میو ہسپتال، لاہور کے مردہ خانہ میں رکھی گئی ہیں۔

پانی پت ٹرین حادثہ میں بھارتی ریلوے اور پاکستان ریلوے کے درمیان رابطہ افسر کے طور پر کام کرنے والے مقصود احمد خان کی جاری کردہ فہرست کے مطابق جمعہ کی صبح تک پاکستان ریلوے کو اڑتیس ہلاک ہونے والے مسافروں اور بارہ زخمی مسافروں کی فہرست موصول ہوگئی تھی۔

پاکستان ریلوے نے اپنے چند افسران کو پانی پت ٹرین واقعہ کے بعد مسافروں کی شناخت اور دیگر معاملات میں رابطہ کا کام انجام دینے کے لیے دلی بھیجا ہوا ہے جو پاکستان ریلوے کو تازہ ترین معلومات فراہم کررہے ہیں۔

پاکستان ریلوے کے مطابق پانی پت واقعہ میں ہلاک ہونے والے سترہ افراد کی میتیں جمعہ تک واہگہ کے راستے پاکستان پہنچ گئی تھیں اور ان میں سے بارہ کو ان کے لواحقین کے سپرد کردیا گیا تھا۔

ریلوے افسر کے مطابق پانچ میتیں ابھی لاہور میو ہسپتال کے مردہ خانہ میں رکھی گئی ہیں۔

حیدرآباد سے تعلق رکھنے والے ایک ہی خاندان کے پانچ افراد کی بھارت میں ہی تدفین کردی گئی ہے۔

ریلوے افسر کا کہنا ہے کہ دس شناخت ہونے والے زخمیوں میں سے سات بائیس فروری کو پاکستان پہنچ گئے تھے جنہیں میو ہسپتال میں داخل کرادیا گیا ہے۔

لاہور میں بھارت ہائی کمیشن کے عارضی دفتر کے ویزا افسر مسکین کمار مستفی نے کہا کہ جمعہ کی شام تک انہوں نے پانی پت ریل حادثہ کے متاثرین کے رشتے داروں کو بھارت جانے کے لیے اٹھاسی ویزے جاری کیے تھے۔

ہائی کمشین کے ویزا افسر کا کہنا تھا کہ جمعہ کی شام کو یہ عارضی ویزا دفتر بند کردیا جائے گا کیونکہ ان کے بقول اس کا جو مقصد تھا وہ پورا ہوگیا ہے۔

پاکستان ریلوے کی فہرست کے مطابق جن ہلاک ہونے والے افراد کی شناخت ہوچکی ہے ان کےنام یوں ہیں۔

1۔ کشمیر سنگھ۔ رہائشی فیروزپور پنجاب
2۔ راجندر پال۔ ڈیرہ بابا نانک، گورداسپور، پنجاب
3۔ شفیق احمد۔ مالویا نگر۔ دلی
4۔ سکینہ بیگم۔ سیلام پور۔ دلی
5۔ یاسمین اختر۔ پنتھا چوک۔ سری نگر
6۔ سید افتخار علی۔ نارتھ بفر زون۔ کراچی
7۔ تسلیم خان۔ محلہ چوڑی پورہ۔ حیدرآباد۔ سندھ
8۔ نفیسہ بیگم۔ حیدرآباد
9۔ مہرین خان۔ حیدرآباد
10۔ رسول خان۔ حیدرآباد
11۔ محمد ساجد۔ حیدرآباد
12۔ محمد ہارون۔ کریم آباد۔ حیدرآباد
13۔ رضیہ سلطان۔ نارتھ بفر زون۔ کراچی
14۔ اشرف جہاں۔ نارتھ بفر زون۔ کراچی
15۔ مہک۔ نارتھ بفر زون۔ کراچی
16۔ حارث محمد۔ اورنگی ٹاؤن۔ کراچی
17۔ اظہار حسین۔ نارتھ بفر زون۔ کراچی
18۔ للیت کمار۔ نبھیر نگر۔ دلی
19۔ یونس ولد عمر دین۔ وہاڑی روڈ۔ ملتان
20۔ سید حسن علی۔ نارتھ بفر زون۔ کراچی
21۔ محمد اعظم۔ ملیر کینٹ۔ کراچی
22۔ زرینہ بیگم۔ ملیر کینٹ۔ کراچی
23۔ فرزانہ۔ ملیر کینٹ۔ کراچی
24۔ محمد رفیق۔ وہاڑی روڈ۔ ملتان
25۔ جہاں آرا بیگم۔ اورنگی ٹاؤن۔ کراچی
26۔ عمر خان۔ ممتاز آباد۔ ملتان
27۔ عبدالوحید خان۔ بفر زون۔ نارتھ کراچی
28۔ سلیم خان۔ بفر زون۔ نارتھ کراچی
29۔ مسز بانو۔ علی گڑھ۔ بھارت
30۔ کامران ولد ظہیر احمد۔ بند روڈ۔ لاہور
31۔ امینہ محمد یعقوب۔ رنچھوڑ لائن۔ کراچی
32۔ میمونہ۔ رنچھوڑ لائن۔ کراچی
33۔ حبیب اللہ خان۔ سائٹ۔ کراچی
34۔ عائشہ۔ میو ہسپتال مردہ خانہ میں میت محفوظ کی گئی ہے
35۔ انور سلیمان ملک۔ مردہ خانہ۔ لاہور
36۔ یوسف نسیم۔ مردہ خانہ۔ لاہور
37۔ مریم بانو۔مردہ خانہ۔ لاہور
38۔ فرقان۔ مردہ خانہ۔ لاہور