عزیزاللہ خان بی بی سی اردو ڈاٹ کام، کوئٹہ

	مصری خان ایک کالج کے پرینسپل ہیں

فتح خان مری نے کوئٹہ پریس کلب کے سامنے اپنی اسناد کو آگ لگائی۔ فتح خان مری نے بلوچستان یونیورسٹی سے بی اے کیا ہے اور وہ ایک وکیل بننا چاہتے تھے۔

فتح خان مری نے بتایا کہ مصری خان کو گزشتہ سال فروری کے پہلے ہفتے میں ڈیرہ غازی سے آتے ہوئے راستے میں اٹھا لیا گیا تھا۔فتح خان نےالزام لگایا ہے کہ مصری خان کو خفیہ ایجنسی کے اہلکار اٹھا کر لے گئے ہیں اور اب سال پورا ہونے کو ہے لیکن انھیں پتہ نہیں ہے کہ ان کے چچا کہاں ہیں۔

مصری خان مری گمشدگی کے وقت ایلیمنٹری کالج قلات میں پرنسپل کے عہدے پر کام کر رہے تھے۔ وہ کوہلو کےضلعی ناظم انجینیئر علی گل مری کے بڑے بھائی ہیں ۔ فتح خان نے بتایا کہ مصری خان کا ایک بیٹا فوج میں سیکنڈ لفٹیننٹ کے عہدے کے لیے تربیت حاصل کر رہا ہے۔