عزیزاللہ خان بی بی سی اردو ڈاٹ کام، کوئٹہ

	مظاہرے میں انجمنِ تاجران کے علاوہ غیر سرکاری تنظیموں کے عہدیدار شامل تھے (فائل فوٹو)

مظاہرے میں انجمنِ تاجران کے علاوہ غیر سرکاری تنظیموں کے عہدیدار اور ضلع پشین کے شہری شامل تھے۔ کوئٹہ پریس کلب کے سامنے احتجاج کے بعد مظاہرین نے گورنر ہاؤس تک جلوس نکالا اور ذمہ دار اہلکاروں کے خلاف قانونی کارروائی کا مطالبہ کیا ہے۔

انجمنِ تاجران کے جنرل سیکرٹری سعداللہ اچکزئی نے بی بی سی کو بتایا کہ گورنر نے واقعہ کی تحقیقات کی یقین دہانی کراتے ہوئے کہا ہے کہ ذمہ دار افراد کے خلاف کارروائی کی جائے گی۔

یاد رہے جمعرات کو مبینہ طور پر سرکاری اہلکاروں کی فائرنگ سے محمد حنیف نامی شہری ہلاک ہو گیا تھا۔ محمد حنیف ایک تاجر تھے جو بقول ان کے رشتہ داروں کے اپنی بچی کو علاج کے لیے ڈاکٹر کے پاس لے جا رہے تھے۔

محمد حنیف کے ایک رشتہ دار یسین آغا نے بی بی سی کو بتایا کہ محمد حنیف بے گناہ تھے۔ وہ نہ تو کوئی دہشت گرد تھے اور نہ ہی مجرم بلکہ ایک محبِ وطن شہری تھے۔

بائیس دسمبر کو صوبہ بھر کے تمام پریس کلبوں کے سامنے احتجاجی مظاہرے کیے جائیں گے اور چھبیس دسمبر کو تمام قومی شاہراہوں کو بند کیا جائے گا آغا حسن بلوچ

جماعت کے قائم مقام صدر آغا حسن بلوچ نے کہا ہے کہ لانگ مارچ کے اعلان کے بعد سے اب تک ان کی جماعت کے سربراہ سردار اختر مینگل سمیت کوئی پندرہ سو قائدین اور کارکن گرفتار ہو چکے ہیں۔

انہوں نے کہا کہ بائیس دسمبر کو صوبہ بھر کے تمام پریس کلبوں کے سامنے احتجاجی مظاہرے کیے جائیں گے اور چھبیس دسمبر کو تمام قومی شاہراہوں کو بند کیا جائے گا۔

آغا حسن بلوچ بی این پی کے مرکزی لیبر سیکرٹری ہیں لیکن قائدین کی نظر بندی اور گرفتاریوں کی وجہ سے اس وقت وہ قائم مقام مرکزی صدر کے عہدے پر فائز ہیں۔