عزیز اللہ خان بی بی سی اردو ڈاٹ کام، کوئٹہ

	امریکی فوجیوں کے لیے تیل لے جانے والے ٹینکرز پر سرحد کے دونوں جانب اس سے پہلے بھی دھماکے ہوئے ہیں

چمن سے آمدہ اطلاعات کے مطابق آئل ٹینکر میں دھماکہ فرنٹیئر کور کے قلعے کے قریب ہوا ہے لیکن اب تک یہ معلوم نہیں ہوا ہے کہ دھماکہ کس چیز سے ہوا ہے۔

افغانستان میں امریکی فوجیوں کے لیے تیل لے جانے والے ٹینکرز پر سرحد کے دونوں جانب اس سے پہلے بھی دھماکے ہوئے ہیں۔

ضلع قلعہ عبداللہ کے ناظم حاجی آدم خان اچکزئی نے بتایا ہے کہ اس بارے میں تفتیش کی جارہی ہے تاکہ معلوم کیا جا سکے کہ آیا یہ ٹینکر کسی بم دھماکے یا کسی تخریبی کارروائی کے نتیجے میں پھٹا ہے اور یا یہ گیس پریشر سے تباہ ہوا ہے۔

حاجی آدم خان اچکزئی نے کہا کہ ٹینکر کے ڈرائیور کے بارے میں اب تک کچھ معلوم نہیں ہے کہ وہ کہاں ہے۔