کشمیر کے عوام کو حق خود ارادیت کا موقع دیا گیا تو عوام پاکستان میں شمولیت کا فیصلہ دیں گے۔علی شاہ گیلانی

کشمیر پاکستان کا اٹوٹ انگ نہیں

بھارت جو کہتا رہے لیکن ہم نے یہ ہمیشہ کہا ہے کہ اس معاملے پر کشمیریوں کی خودارادیت کی بنیاد پر ہی کوئی فیصلہ ہونا چاہیئے۔ انہوں نے ایک سوال کے جواب میں کہا کہ غیر آئینی صدر کے کچھ کہنے یا ’ یو ٹرن‘ لینے سے کچھ فرق نہیں پڑتا یا ان کے کچھ کہنے سے نقشہ نہیں بدل جاتا۔

منور حسن نے کہا کہ پچھلے ساٹھ سال میں جتنی بھی پاکستانی حکومتیں آئیں ہیں سب نے اقوام متحدہ کے قرارداد کے مطابق ہی اپنا سٹینڈ لیا ہے۔ انہوں نے کہا کہ یہ بات کشمیریوں پر چھوڑنا چاہیئے کہ وہ یہ فیصلہ کریں کہ وہ بھارت کے ساتھ رہنا چاہتے ہیں کہ پاکستان کے ساتھ آنا چاہتے ہیں۔

	منور حسن پاکستان کے موقف کے سخت خلاف ہیں

انہوں نے کہا کہ پاکستان نے بھارت سے تین جنگیں لڑیں۔ پاکستنان نےکشمیر کی وجہ سے ہی مشرقی پاکستان کوگنوا دیا۔ جب کشمیر کے عوام کو حق خود ارادیت کا موقع دیا جائے گا تو یہاں کے ایک کروڑ تیس لاکھ عوام پاکستان میں شمولیت کا فعصلہ دیں گے۔

انہوں نے کہا کہ پاکستانی حکومت یہ نہیں کہ رہی ہے کہ کشمیر پاکستان کا اٹوٹ انگ نہیں ہے بلکہ یہ تو حکمرانوں کا ایک ٹولہ ہے جو امریکہ کے دباؤ میں ہے۔

ایک سوال کے جواب میں گیلانی نے کہا کہ یہ تازہ بیان پاکستانی عوام یا پارلیمان یا سیاسی قیادت کا بیان نہیں ہے بلکہ یہ تو فوجی ریجیم کا بیان ہے جو امریکہ کے دباؤ میں سب کچھ کہ رہا ہے۔