 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
پاکستان دہشتگردی کا منبع نہیں | ||||||||||||||||||||||||||||||||||||||||
برطانیہ کے نائب وزیرخارجہ ڈاکٹر کیم ہوولز نے کہا ہے کہ جنوبی افغانستان میں جاری دہشت گردی کا منبع پاکستان نہیں بلکہ وہاں کے مقامی ہیروئن کے تاجر، وار لارڈز اور دہشت گرد تنظیمیں ہیں جو افغانستان میں حالات خراب کرنے میں ملوث ہیں۔ وہ جمعہ کے روز پشاور پریس کلب کے ایک پروگرام میں بحثیت مہمان خصوصی خطاب کر رہے تھے۔ اس موقع پر پاکستان میں متعین برطانوی ہائی کمشنر مارک لائل گرانٹ اور دیگر سفارت کار بھی موجود تھے۔ ڈاکٹر کیم ہوولز نے پاکستان کے قبائلی علاقے شمالی وزیرستان میں حکومت اور مقامی طالبان کے درمیان طے پانے والے امن معاہدے کا خیر مقدم کرتے ہوئے کہا کہ موجودہ حالات کے تناظر میں افغانستان کو بھی اس معاہدے کا باریک بینی سے جائزہ لیکر اس سے استفادہ کرنا چاہیئے۔ ان کا کہنا تھا کہ جرگے اور مقامی روایات کے مطابق وزیرستان کے مسئلے کو حل کرنا اچھا اقدام ہے اور مقامی لوگوں اور غیر ملکیوں کو اب اسکا بھر پور فائدہ اٹھانا چاہیئے۔ انہوں نے کہا کہ یہ معاہدہ نہ صرف مقامی قبائل کے لیئے ایک خوش آئند اقدام قراردیا جا سکتا ہے بلکہ اس سے پاکستان اور افغانستان کے مابین موجود تعلقات کو بھی فائدہ پہنچے گا۔ انہوں نے کہا کہ پوری دنیا کی نظریں پاک افغان سرحد پر لگی ہوئی ہیں جہاں اب بھی اسلحہ اور منشیات کی سمگلنگ کے ساتھ ساتھ جنگجوؤں کی آمدورفت بھی ایک بڑے چیلنج کی حیثیت رکھتی ہے۔ انہوں نے کہا کہ پاکستان نے دہشت گردی کے خلاف جنگ میں عالمی برادری کا بھر پور ساتھ دیا ہے اور ہم امید کرتے ہیں کہ وہ آئندہ بھی یہ تعاون جاری رکھے گا۔ ڈاکٹر ہوولز نے اس تاثر کو غلط قرار دیا کہ جنوبی افغانستان میں ہونے والی دہشت گردی کی کارروائیوں میں پاکستان کا کوئی ہاتھ ہوسکتا ہے اور واضح کیا کہ افغانستان کے اندر بعض ایسی قوتیں موجود ہیں جو کرزئی حکومت کو کمزور کرنا چاہتی ہے۔ ایک اور سوال کے جواب میں برطانوی نائب وزیر خارجہ کا کہنا تھا کہ تمام تر دہشت گرد نہ تو افغانی ہیں ارر نہ ہی پاکستانی بلکہ چیچن اور ازبک سمیت ایسے دیگر لوگ جو جمہوری حکومتیں نہیں چاہتے دنیا بھر میں دہشت گردی کا سبب بن رہے ہیں۔ انہوں نہ کہا کہ برطانیہ کو دہشت گردی سے متعلق اپنی پالیسی پر نظر ثانی کرنے کی قطعاً کوئی ضرورت نہیں بلکہ دنیا میں قیام امن کے لیئے دیگر جمہوریت پسند اقوام کو بھی دہشت گردی کے خلاف جنگ میں اپنا کردار ادا کرنا چاہیئے۔ |  اسی بارے میں  ’سینکڑوں غیر ملکی جنگجو موجود ہیں‘08 September, 2006 | پاکستان الزام لگانا بند کر دیں: مشرف07 September, 2006 | پاکستان طالبان کے خلاف جنگ ایجنڈے پر06 September, 2006 | پاکستان پاکستان حکومت اور طالبان کا معاہدہ05 September, 2006 | پاکستان | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
