عزیزاللہ خان بی بی سی اردو ڈاٹ کام، کوئٹہ

	احتجاج جاری ہے اور پولیس احتجاج کرنے والوں سے روایتی سلوک روا رکھے ہوئے ہے

گوادر کے پولیس افسر عاصم نے بتایا ہے کہ بلوچستان نیشنل پارٹی کے ضلعی صدر غفور ہوت اور نیشنل پارٹی کے لیڈر حسین واڈھیلا سمیت تین افراد کو گرفتار کیا گیا ہے۔ ان لوگوں پر توڑ پھوڑ جلاؤ گھیراؤ بلوچستان کے شہر گوادر، تربت، پسنی اور پنجگور سے بیس افراد کو گرفتار کیا گیا ہو اور لوگوں کو اشتعال دلانے جیسے الزامات ہیں۔

ادھر پسنی اور تربت سے آمدہ اطلاعات کے مطابق سترہ افراد کو گزشتہ چند دنوں میں گرفتار کیا گیا ہے۔ ان میں قوم پرست جماعتوں کے مقامی قائدین کے علاوہ بلوچ سٹوڈنٹس آرگنائزیشن کے عہدیدار اور ایک مقامی ماہنامے کے ایڈیٹر بھی شامل ہیں۔

مقامی صحافیوں نے بتایا ہے گوادر تربت پسنی اور پنجگور میں کئی لوگوں کے خلاف مقدمات درج کیے گیے ہیں جن میں شاعر ادیب اور لوک گلوکار بھی شامل ہیں۔

ادھر کوئٹہ میں قوم پرست جماعتوں کے قائدین کے خلاف مقدمات درج کرنے کی اطلاعات تو ہیں لیکن اس کی تصدیق کہیں سے نہیں ہو رہی۔