عزیزاللہ خان بی بی سی اردو ڈاٹ کام، کوئٹہ

	ویش منڈی پاک افغان سرحد کے قریب واقع ہے

یہ دھماکہ تربوزوں سے لدی ایک گدھا گاڑی میں ہوا۔

دھماکہ اس قدر زور دار تھا کہ اس کی آواز دور دور تک سنی گئی ہے۔ ویش منڈی پاک افغان سرحد کے قریب واقع ہے اور یہاں افغانیوں کے ساتھ ساتھ چمن کے رہائشی بھی کاروبار کرتے ہیں۔

سات زخمیوں کو چمن کے ایک نجی ہسپتال لایا گیا ہے۔ اس ہسپتال کے ایک اہلکار عصمت اللہ نے بتایا کہ ان کے پاس لائے گئے زخمیوں میں سے چار کی حالت نازک ہے۔ انہوں نے کہا کہ باقی زخمیوں کو مختلف ہسپتالوں میں لے جایا گیا ہے۔

اب تک کسی گروہ نے اس دھماکے کی ذمہ داری قبول نہیں کی ہے۔

یاد رہے کہ گزشتہ سال عید کے موقع پر سپین بولدک میں دھماکے سے کئی افراد ہلاک اور زخمی ہوئے تھے جبکہ اس سال مارچ میں نورزئی قبیلے کے چودہ افراد کو افغانستان میں ہلاک کر دیا گیا تھا۔