ذوالفقار علی بی بی سی اردو ڈاٹ کام، مظفرآباد

	آٹھ اکتوبر کے زلزلے کے بعد اب بھی متاثرین کی روز مرہ کی زندگی بحال نہیں ہوئی ہے

پاکستان کے محکمۂ موسمیات کے ڈائریکٹر جنرل قمرالزمان کے مطابق اس زلزلے کا مرکز پاکستان کے زیرانتظام کشمیر کے جنوبی ضلع کوٹلی اور بھارت کے زیرانتظام کشمیر کے ضلع راجوڑی کے درمیان تھا۔

خصوصی ضمیمہ: آٹھ اکتوبر کا زلزلہ

اس زلزلے کے جھٹکے پاکستان کے معیاری وقت کے مطابق جمعہ کے روز گیارہ بجکر پینتالیس منٹ پر کشمیر اور پاکستان کے مشرقی علاقوں میں محسوس کیے گئے۔

پولیس کے مطابق پاکستان کے زیرانتظام کشمیر کے جنوبی ضلع میرپور میں افضال پور نامی گاؤں میں ایک شخص اس وقت ہلاک ہوگیا جب اس کے گھر کے کمپاؤنڈ کی دیوار گرگئی۔

زلزلےکے جھٹکے کے ساتھ ہی لوگوں میں بھگدڑ مچ گئی جس کے نتیجے میں کئی افراد زخمی ہوگئے۔

پاکستان کے زیرانتظام کشمیر گزشتہ اکتوبر میں شدید زلزلے کا شکار ہوا تھا جس کے بعد سے ان علاقوں میں لوگ اب تک خیمہ بستیوں میں رہ رہے ہیں اور ان کی روزمرہ کی زندگی مکمل طور پر بحال نہیں ہوئی ہے۔

جمعہ کے روز آنے والے زلزلے کے نتیجے میں خواتین، بچے اور بوڑھے افراد کئی گھنٹوں تک اپنے گھروں کے باہر رہے۔ پولیس کا کہنا ہے کہ زلزلے کے جھٹکے کوٹلی، میرپور اور بھمبر ضلعوں میں محسوس کیے گئے۔ جھٹکوں کی شدت میرپور میں زیادہ تھی۔