ندیم سعید بی بی سی اردو ڈاٹ کام، ملتان

	دھماکے کے نتیجے میں پائپ لائن نے آگ پکڑ لی

مقامی لوگوں کے مطابق دھماکے کی آواز دور دور تک سنائی دی۔ دھماکے کے نتیجے میں پائپ لائن نے آگ پکڑ لی جسے کئی کلو میٹر کے فاصلے سے بھی دیکھا جا سکا۔ پولیس حکام کے مطابق فوری طور پر دھماکے کی وجوہات کا اندازہ نہیں لگایا جا سکا۔

سوئی ناردرن گیس پائپ لائنز لمیٹڈ یعنی ایس این جی پی ایل کے حکام کا کہنا ہے کہ ابتدائی اطلاعات کے مطابق دھماکے سے تیس انچ قطر کی پائپ لائن متاثر ہوئی ہے جبکہ اسی پائپ لائن کے قریب سے اٹھارہ اور چوبیس انچ قطر کی پائپ لائنز بھی گزر رہی ہے۔ حکام کا کہنا ہے آگ پر قابو پانے کے بعد ہی معلوم ہوگا کہ آیا کوئی دوسری پائپ لائن بھی دھماکے اور آگ سے متاثر ہوئی ہے یا نہیں۔

مقامی لوگوں کے مطابق دھماکے کی آواز دور دور تک سنائی دی۔ دھماکے کے نتیجے میں پائپ لائن نے آگ پکڑ لی جسے کئی کلو میٹر کے فاصلے سے بھی دیکھا جا سکا۔ پولیس حکام کے مطابق فوری طور پر دھماکے کی وجوہات کا اندازہ نہیں لگایا جا سکا۔

حکام کا کہنا ہے کہ کوشش کی جائے گی کہ گھریلو صارفینِ گیس اس بندش سے متاثر نہ ہوں۔ ایس این جی پی ایل کے شعبہ پائپز کے چیف انجینئیر امجد لطیف نےاتفاقی حادثے کے امکان کو رد کرتے ہوئے بی بی سی سے کہا کہ شاہوالی کے قریب ہونے والا دھماکہ تخریب کاری کے سوا کچھ نہیں۔

پائپ لائن کا متاثرہ حصہ سوئی سے کوئی چالیس کلو میٹر کے فاصلے پر بتایا جا رہا ہے اور اس کے قریب ہی فرنٹیئر کور کی بھنبور رائفلز کا کیمپ واقع ہے۔ اس علاقے میں گیس پائپ لائنز اور اس سے متعلقہ دوسری تنصیبات کی حفاظت فرنٹیئر کور کے علاوہ رینجرز بھی کرتے ہیں۔