اعجاز مہر بی بی سی اردو ڈاٹ کام، اسلام آباد

	یہ تجربہ گاہ ڈاکٹر عبدالقدیر خان کے نام سے منسوب ہے جو نظر بند ہیں

انہوں نے بی بی سی کو بتایا کہ منگل کے روز ہونے والے اس دھماکے میں ایک ٹیکنیشن ہلاک ہوگیا ہے اور حکومت اس کی تحقیقات کر رہی ہے۔

دھماکے کے بارے میں مختلف سوالات کا جواب دیتے ہوئے انہوں نے کہا کہ ’یہ بہت معمولی واقعہ ہے اور اس بارے میں مزید کچھ نہیں بولنا چاہتا‘۔

انیس سو ستر میں قائم ہونے والی ’خان ریسرچ لیبارٹریز‘ میں جنہیں ’کے آر ایل‘ بھی کہا جاتا ہے، یہ پہلا دھماکہ ہے جو رپورٹ ہوا ہے۔

حکومت اس واقعہ کی مزید تفصیلات نہیں بتا رہی۔

ڈاکٹر عبدالقدیر خان سے منسوب اس تجربہ گاہ میں جوہری بم میں استعمال ہونے والے ایندھن کی تیاری کا کام ہوتا ہے اور جوہری مواد لے جانے والے میزائیل بھی بنتے ہیں۔

دو برس قبل ڈاکٹر عبدالقدیر خان کو جوہری مواد اور آلات ایران، شمالی کوریا اور لیبیا کو ذاتی طور پر بیچنے کے اقرار کے بعد اپنے عہدے سے ہٹادیا گیا تھا اور اس کے بعد سے وہ اسلام آباد میں اپنے گھر نظر بند ہیں۔