وزیرستان میں فوجی آپریشن میں ہزاروں فوجی حصہ لے رہے ہیں

یہ واقعہ شمالی وزیر ستان میں اس وقت پیش آیا جب ایک فوجی قافلہ مبارک شاہی کے گاؤں کے قریب سے گزر رہا تھا۔

حکام نے یہ بم نصب کرنے کے الزام میں پندرہ کے قریب قبائلیوں کو حراست میں لے لیا ہے لیکن کسی نے بھی اس بم حملے کی ذمہ داری قبول نہیں کی ہے۔

پاکستان نے افغانستان کی سرحد کے ساتھ ملحقہ قبائلی علاقے میں ہزاروں کی تعداد میں فوجی تعینات کیے ہوئے ہیں تاکہ علاقے میں طالبان اور غیر ملکی شدت پسندوں کی نقل و حرکت کو روکا جا سکا۔