کاشف قمر بی بی سی اردو ڈاٹ کام، مظفرآباد

	نقشہ بی بی کو طبی امداد پہنچائی جارہی ہے

دس دسمبر کو ملبہ ہٹاتے وقت اس چالیس سالہ خاتون کو زندہ پایا گیا۔

اس خاتون کا نام نقشہ بی بی بتایا گیا ہے اور مقامی لوگوں نے بتایا کہ ان کے دو بھائی اور ماں اور والد اس زلزلے میں ہلاک ہوگئے۔

گزشتہ دو دنوں سے یہ خاتون مقامی لوگوں کے پاس تھیں لیکن آج بارہ دسمبر کو جب جرمن ڈاکٹروں کی ایک ٹیم وہاں پہنچی تو لوگوں نے اطلاع دی کہ یہ خاتون ملبے کے نیچے سے نکلی ہیں اور کچھ کھا پی نہیں رہی ہیں۔

جرمن ڈاکٹروں نے پاکستان اسلامِک میڈیکل ایسوسی ایشن کے ساتھ رابطہ کیا کیوں کہ وہ خود مقامی زبان نہیں سمجھ سکتے تھے، تو اس تنظیم کے ڈاکٹر وہاں گئے اور اس خاتون کو لیکر مظفرآباد آئے۔

مظفرآباد میں ڈاکٹر ان خاتون کا طبی معائنہ کررہے ہیں تاکہ ان کی حالت کا صحیح پتہ ہوسکے۔اس کے بعد ہی ان کے لیے خصوصی طبی اور دیگر امداد فراہم کی جائے گی۔