عزیزاللہ خان بی بی سی اردو ڈاٹ کام ، کوئٹہ

چودہ اگست کی شام کوئٹہ میں دو دھماکے ہوئے۔

سوموار کے شام کے وقت سیٹلائیٹ ٹاؤن کے علاقے میں زور دار دھماکہ ہوا ہے جس کی آواز دور دور تک سنی گئی ہے لیکن کسی قسم کا کوئی جانی نقصان نہیں ہوا ہے۔ اس سے پہلے سوموار کی صبح مچھ کے قریب ریل کی پٹڑی پر دھماکے سے پٹڑی کو نقصان پہنچا ہے جسے مرمت کر دیا گیا ہے۔

چودہ اگست کی شام کوئٹہ میں دو دھماکے ہوئے ہیں جس سے دو افراد کو معمولی چوٹیں آئی ہیں اس کے علاوہ سبی کے قریب نا معلوم افراد نے گیس پائپ لائین کو دھماکے سے اڑا دیا تھا جس سے کچھ علاقوں کو گیس کی ترسیل منقطع ہو گئی تھی لیکن بعد میں پائپ لائن مرمت کرکے گیس کی ترسیل بحال کر دی گئی ہے۔

کوئٹہ میں سینیئر سپرنٹنڈنٹ پولیس پرویز ظہور نے کہا ہے کہ جشن آزادی کے روز چار مشتبہ افراد کو گرفتار کیا گیا ہے جن پر الزام ہے کہ یہ لوگ بم دھماکے اور راکٹ فائرنگ کے واقعات میں ملوث ہیں۔ پولیس اس بارے میں مذید تحقیقات کر رہی ہے۔