ریاض سہیل بی بی سی اردو ڈاٹ کام کراچی

’حملہ کرنے والے جنونی لوگ تھے جو مجھے جانی نقصان پہنچانا چاہتے تھے‘

سائٹ تھانے میں درج کیے گئے اس مقدمے میں وزیر مملکت کی سکیورٹی پر مامور اسکواڈ کے انچارج سب انسپکٹر سلیم میمن مدعی ہیں۔

ایف آئی آر میں کہا گیا ہے کہ چوبیس جون کو وفاقی وزیر عامر لیاقت مفتی عتیق الرحمٰان کے جنازے میں شرکت کے لیے جامعہ بنوریہ گئے تھے جہاں پچیس سے تیس افراد نے ان کے خلاف نعرے بازی کی اور ان کو ایک کمرے میں حبس بے جا میں رکھا۔

حملہ آوروں نے سرکاری اہلکاروں سے بندوقیں چھین لی تھیں۔ وزیر مملکت کو بعد میں رینجرز اور علماء کی مداخلت پر آزاد کیاگیا۔

ڈاکٹر عامر لیاقت نے آزاد ہونے کے بعد بی بی سی کو بتایا کہ ان پر حملہ کرنے والے جنونی لوگ تھے جو انہیں جانی نقصان پہنچانا چاہتے تھے۔