ہارون رشید بی بی سی اردو ڈاٹ کام، پشاور

عینی شاہدین کے مطابق ٹرک میں راکٹ اور دیگر ہتھیار رکھے ہوئے تھے

یہ واقعہ کی رات رات آٹھ بجے کے قریب جنوبی وزیرستان میں محسود قبائل کے علاقے چوٹخیل میں پیش آیا۔ عینی شاہدین کے مطابق ٹرک میں بھرے اسلحے کو بوریوں سے چھپانے کی کوشش کی گئی تھی۔

حکام کے مطابق دھماکے کی وجہ معلوم نہیں ہوسکی۔ تاہم مقامی انتظامیہ کا کہنا ہے کہ وہ یہ معلوم کرنے کی کوشش کر رہے ہیں کہ یہ اسلحہ کس کے لیے لیجایا جا رہا تھا۔

عینی شاہدین کے مطابق ٹرک میں راکٹ، بم اور دیگر ہتھیار رکھے ہوئے تھے تاہم حکام نے صرف اسلحے کی موجودگی کی ہی تصدیق کی ہے اور اس کی مزید تفصیل نہیں بتائی۔

مرنے والوں کی لاشوں کے بری طرح جل جانے کی وجہ سے ان کی شناخت نہیں ہوسکی۔

عینی شاہدین کے مطابق اس واقعے کی کئی گھنٹوں بعد بھی اردگرد کے علاقے میں راکٹ گرتے رہے تاہم اس سے کسی نقصان کی اطلاع نہیں ملی ہے۔

چوٹخیل کا یہ علاقہ اس علاقے کے قریب ہی ہے جہاں گزشتہ دنوں پاکستانی طیاروں نے بمباری کر کے شدت پسندوں کے ایک کیمپ کو تباہ کرنے کا دعوٰی کیا تھا۔ اس حملے میں پچاس سے زائد افراد ہلاک ہوئے تھے۔