عزیز اللہ خان بی بی سی ادو ڈاٹ کام، کوئٹہ

واقعہ گوادر کے مغربی ساحل سے کوئی پندر کلومیٹر دور پشوگان اور گنز کے درمیان پیش آیا

یہ واقعہ گوادر کے مغربی ساحل سے کوئی پندر کلومیٹر دور پشوگان اور گنز کے درمیان پیش آیا ہے۔ لانچ کا نام سفینہ عادل بتایا گیا ہے جس میں ایک اندازے کے مطابق زیادہ تر سوار مچھیرے ہیں۔

میرین سیکیورٹی ایجسنی کے اہلکار امجد نے بتایا ہے کہ ایک اور لانچ رب راضی وہاں موجود ہے جس نے دو افراد کو بچا لیا ہے جبکہ باقی کی تلاش جاری ہے۔ اس کے علاوہ ایجنسی نے نیول بیس اورماڑہ سے ایک جہاز اس علاقے کی طرف روانہ کر دیا ہے۔

میرین سیکیورٹی ایجنسی کے اہلکار کے مطابق لانچ کراچی کی رجسٹرڈ تھی اور اس میں مقامی افراد سوار تھے۔ ابھی تک یہ معلوم نہیں ہو سکا کہ لانچ کس طرح ڈوب گئی ہے۔