اسداللہ بی بی سی اردوس سروس، کراچی

ان پر الزام ہے کہ انہوں نے القاعدہ کی ذیلی تنظیم جنداللہ کے ارکان کوطبی امداد فراہم کی ہے

ڈاکٹر اکمل وحید اور ڈاکٹر ارشد وحید پر الزام ہے کہ انہوں نے القاعدہ کی ذیلی تنظیم جنداللہ کے ارکان کوطبی امداد فراہم کی ہے۔

نیشنل انسٹی ٹیوٹ آف کارڈیوویسکولر ڈیزیزز سے وابستہ ڈاکٹر اکمل وحید پر الزام ہے کہ انہوں نے بلوچ کالونی میں رینجرز پر حملے کے دوران زخمی ہونے والے شہزاد باجوہ کا علاج کیا تھا۔

ان کے چھوٹے بھائی ڈاکٹر ارشد وحید کو کور کمانڈر کراچی پر حملے میں زخمی ہونے والے محمد قاسم کا علاج کرنے پر سات سال قید کو پچاس ہزار روپے جرمانے کی سزا سنائی گئی ہے۔

ایک اور مقدمے میں بھی دونوں بھائیوں کو چار چار سال قید اور تیس تیس ہزار روپے جرمانے کی سزا سنائی گئی ہے۔ تاہم دونوں سزاؤں کا اطلاق ایک ساتھ ہو گا۔

ان کے وکیل نے اعلان کیا ہے کہ وہ اس سزا کے خلاف ایک ہفتے کے اندر اپیل دائر کریں گے۔