اعجاز مہر بی بی سی اردو ڈاٹ کام، اسلام آباد

افتخار رشید کو پیمرا کا چیئرمین بنادیا گیا ہے۔

اسٹیبلشمینٹ ڈویژن کے جاری کردہ نوٹیفکیشنز کے مطابق صوبہ سندھ کےانسپیکٹر جنرل پولیس، سید کمال شاہ کا تبادلہ کرکے انہیں وفاقی سیکریٹری داخلہ بنادیا ہے۔

سندھ میں ایڈیشنل آئی جی پولیس کے طور پر کام کرنے والے اسد جہانگیر کو ’آئی جی، کے عہدے کی چارج دے دی گئی ہے۔

سیکریٹری داخلہ کے عہدے پر کام کرنے والے طارق محمود کو وزارت مواصلات کا وفاقی سیکریٹری تعینات کردیا گیا ہے۔

جہاں سے افتخار رشید کا تبادلہ کرکے انہیں ’پاکستان میڈیا ریگولیٹری اتھارٹی، جسے ’پیمرا، بھی کہا جاتا ہے، کا چیئرمین بنادیا گیا ہے۔

ملک میں تیل اور گیس تلاش کرنے والے ادارے ’او جی ڈی سی ایل، کا نیا چیئرمین محمد ریاض الدین کو دو سال کے کانٹریکٹ پر تعینات کیا گیا ہے۔

وزیراعظم کے پریس سیکریٹری اشفاق احمد گوندل کو ہٹا کر ان کی خدمات وزارت اطلاعات ونشریات کے حوالے کردی گئی ہیں۔ جبکہ ان کی جگہ جاوید اختر کو مقرر کیا گیا ہے۔