ہارون رشید
بی بی سی اردو ڈاٹ کام، پشاور |  |
|  القاعدہ کی تلاش میں قبائلی علاقوں میں کارروائی |
پاکستان میں فوجی حکام نے اس بات کی تصدیق کی ہے کہ انہوں نے مقامی قبائلی جنگجووں کو بڑی رقم القاعدہ کا قرضہ چکانے کے لیے ادا کی تھی۔ پشاور میں صحافیوں سے بات چیت کرتے ہوئے کور کمانڈر لیفٹینٹ جنرل صفدر حسین نے بتایا کہ اس معاہدے کے تحت حکومت نے چار قبائلی عسکریت پسندوں کو القاعدہ کا قرضہ ادا کرنے کے لیے تین کڑوڑ روپے سے زائد کی رقم ادا کی۔ یہ پہلی مرتبہ ہے کہ حکومت نے القاعدہ کے ارکان سے جان چھڑانے کے لیے ان قبائلیوں کو اتنی خطیر رقم ادا کرنے کا دعوی کیا ہے۔ کور کمانڈر کے بقول ماضی کے حکومت کو القاعدہ کی مدد کے الزام میں انتہائی مطلوب قبائلیوں حاجی شریف اور مولوی عباس کو ڈیڑھ ڈیڑھ کڑوڑ روپے جبکہ مولوی جاوید کرمزخیل اور حاجی عمر کو دس دس لاکھ روپے نقد ادا کئے گئے تھے۔
یہ ادائیگی حالیہ دنوں میں کی گئی ہیں۔ کور کمانڈر نے اس بات کی بھی تصدیق کی کہ ان افراد نے ابتدائی طور پر قرضہ اتارنے کے لئے ایک کڑوڑ ستر لاکھ روپے کا تقاضہ کیا تھا۔ صفدر حسین نے بیت اللہ محسود کو بھی دو کڑوڑ روپے کی پیشکش کی تھی لیکن اس نے اسے ٹھکرا دیا تھا۔ ان کا کہنا تھا کہ انہوں نے یہ پیشکش اس لیے کی کہ شاید کہیں اسے بھی القاعدہ کا قرضہ اتارنا نہ ہو۔ وانا میں عوامی حلقوں کا کہنا ہے کہ انہیں ان افراد کو صرف آٹھ آٹھ لاکھ روپے ادا ہونے کی خبر ہے۔ البتہ ابھی اس خبر کے بارے میں ان افراد کا ردعمل سامنے نہیں آیا ہے۔ | 
یہ صفحہ دوست کو ای میل کیجیئے
پرِنٹ کریں
