دلاور خان وزیرستان

یہ واقعہ بدھ کو مقامی وقت کے مطابق دوپہر تقریباً گیارہ بجے پیش آیا جب کوچ اعظم ورسک سے وانا بازار کی طرف جا رہی تھی۔

واقعہ میں زخمی ہونے والے ایک شخص کا کہنا ہے کہ اعظم ورسک اور وانا کے درمیان قائم ایک چیک پوسٹ پر جب فلائنگ کوچ کو روکا گیا تو عثمان نامی لڑکے کی سکاؤٹ فورس کے اہلکاروں سے کسی بات پر تکرار شروع ہو گئی۔

اس موقع پر سکاؤٹ فورس نے عثمان کو کوچ سے نیچے اتار دیا جس کے فوراً بعد ہاتھا پائی شروع ہو گئی جس کے بعد ناکہ پر موجود ایک سپاہی نے فائرنگ کر دی اور نتیجتاً عثمان سمیت تین افراد ہلاک اور تین شدید زخمی ہو گئے۔

زخمیوں کو وانا ہیڈ کوارٹرز ہسپتال پہنچا دیا گیا ہے۔ زخمی ہونے والوں میں ایک ڈسپنسر اور ایک طبی اہلکار شامل ہیں۔