اعجاز مہر بی بی سی اردو ڈاٹ کام، اسلام آباد

ہلاک ہونے والوں میں تھانہ ویسٹرج کے ایس ایچ او راجہ محمد ثقلین اور ان کے ڈرائیور، ہیڈ کانسٹیبل الطاف حسین شامل ہیں۔

متعلقہ تھانہ کے محرر عبدالغنی کے مطابق ایس ایچ او ایک مقدمے میں پیش ہونے کے لیے عدالت جا رہے تھے کہ راستے میں دو نامعلوم موٹر سائیکل سواروں نے انہیں کلاشن کوف سے فائرنگ کر کے ہلاک کر دیا۔

محرر کا دعویٰ تھا کہ ہلاک ہبنے والے ایس ایچ او تفتیش میں حاصی مہارت رکھتے تھے اور کئی خطرناک ملزمان کے مقدمات میں بھی انہوں نے تفتیش کی تھی۔

مقتول ایس ایچ او کے صاحبزادے نے اخبار نویسوں کو بتایا کہ ان کے والد کو کچھ عرصہ سے نامعلوم افراد فون پر دھمکیاں دے رہے تھے۔