وسیم اکرم پاکسران ہی کے نہیں عالمی سطح پر بھی ایک بڑے کرکٹر ہیں

وسیم اکرم پر اگرچہ اب کوئی فرد جرم عائد نہیں کی گئی اور ضمانت کی منسوخی کے بعد وہ کسی کارروائی کے بغیر عدالت سے چلے گئے تاہم ان کے بارے میں کہا گیا ہے کہ انہوں نے ایک شناسا سے ایک لگژری گاڑی عاریتاً لی تھی جو انہوں نے واپس نہیں کی۔

اس معاملے میں جج سید سعد حسن نے تیرہ مارچ کو ضمانت قبل از گرفتاری منظور کی تھی تاہم جمعرات کو یہ کہتے ہوئے ان کی یہ ضمانت منسوخ کر دی کہ ’جرم ناقابلِ ضمانت ہے۔‘

اسسسٹنٹ ایڈوکیٹ جنرل سندھ حبیب احمد کا کہنا ہے کہ ’وسیم اکرم کی ضمانت منسوخ ہو چکی ہے اور انہیں کسی بھی وقت گرفتار کیا جا سکتا ہے۔‘

تاہم ان کا کہنا تھا کہ ’پولیس وسیم کے معامعلے نرمی سے کام لے گی اور وسیم کو اس بات کا موقعہ دے گی کہ وہ ہائی کورٹ سے ضمانت حاصل کر سکیں۔‘

پاکستانی قوانین کے تحت اگر کسی کے خلاف کوئی شکایت پولیس میں درج کر دی جائے تو پولیس اسے حراست میں لے سکتی ہے تاہم ملزم کو ضمانت قبل از گرفتاری کا حق حاصل ہے۔

وسیم اکرم کرکٹ کی تاریخ کے ایک مایہ ناز بولر ہیں

وسیم اکرام کے وکیل الیاس خان کا کہنا ہے کہ یہ معاملہ سنجیدہ نوعیت کا نہیں ہے۔ یہ رقم کا معمولی تنازعہ ہے اور ساے کسی سول کورٹ میں بھی نمٹایا جا سکتا ہے۔

الیاس خان کا کہنا ہے کہ وہ جمعہ کو اپنے موکل کی جانب سے ضمانت کی ایک اور درخواست داخل کریں گے۔