باجوڑ ایجنسی میں سکول کے قریب دھماکہ، ایک لیویز اہلکار ہلاک
پاکستان کے قبائلی علاقے باجوڑ ایجنسی میں ایک سکول کے قریب ہونے والے ریموٹ کنٹرول بم دھماکے میں لیویز فورس کے ایک اہلکار ہلاک ہو گئے ہیں۔
پولیٹکل انتظامیہ کے ایک اہلکار نے بی بی سی کو بتایا کہ یہ واقعہ پیر کی صبح باجوڑ ایجنسی کے علاقے بادان ماموند میں لڑکوں کے ہائی سکول سے 50 گز دور پیش آیا۔
انھوں نے بتایا کہ لیویز فورس کے ایک صوبیدار سلطان بخت لڑکوں کے ہائی سکول میں ڈیوٹی دینے جا رہے تھے کہ راستے میں نصب بم پھٹ گیا اور وہ ہلاک ہوگئے۔
دھماکے میں کسی کے زخمی ہونے یا سکول کو نقصان پہنچنے کی اطلاع موصول نہیں ہوئی۔
یاد رہے کہ سرکاری اعدادوشمار کے مطابق فاٹا میں اب تک 500 سے زائد سکول تباہ ہو چکے ہیں جن کی تعمیر نو کا سلسلہ بھی جاری ہے۔
سکیورٹی فورز کی جانب سے قبائلی علاقے خیبر انجنسی میں بھی فوجی آپریشن جاری ہے۔
ادھر گذشتہ روز قبائلی علاقے اورکزئی ایجنسی میں سکیورٹی فورسز پر ہونے والے ایک حملے میں کم سے کم تین اہلکار ہلاک اور تین زخمی ہوگئے تھے۔
ُ پاکستان میں دولتِ اسلامیہ کے ترجمان شاہد اللہ شاہد نے بی بی سی کو کسی نامعلوم مقام سے فون کر کے اس حملے کی ذمہ داری اپنی تنظیم کی جانب سے قبول کر لی ہے۔
End of سب سے زیادہ پڑھی جانے والی
یہ پہلی مرتبہ ہے کہ دولت اسلامیہ کی طرف سے پاکستان میں سکیورٹی فورسز پر ہونے والے کسی حملے کی ذمہ داری قبول کی گئی ہے۔
