ان دس سالوں میں کیا کھویا کیا پایا؟ آپ کی رائے

پاکستان میں بھی نیٹ کیفے اور دکانوں کو وجود میں آئے کم و بیش اتنا ہی عرصہ گزر چکا ہے۔ ا س عرصے میں ان کے فوائد کے ساتھ ساتھ ان کے نقصانات بھی سامنے آئے ہیں خصوصاً پاکستانی معاشرے کے حوالے سے۔

نیٹ کیفیز میں نہ صرف مبینہ طور پر غیر اخلاقی اور غیر قانونی فحش سائٹس دیکھی جاتی ہیں بلکہ ان کے دیکھنے والے کم عمر بچے بھی ہوتے ہیں۔ چند ہی ماہ قبل نیٹ کیفے کے نام سے ایک سی ڈی بھی مارکیٹ میں دھڑا رھڑ بکی جس میں ایک کیفے میں آنے والے جوڑوں کی خفیہ طور پر ریکارڈنگ کی گئی تھی۔

آپ کی رائے

ذیشان میمن، کراچی، پاکستان:
سائبر کیفیز کے بے شمار فوائد ہیں۔ مگر افسوس ہے کہ اس کاروبار سے منسلک چند لوگوں کی بری حرکات کی وجہ سے پورا نظام ہی بدنام ہوتا جا رہا ہے۔

فرانسس زیوئیر، پیرس، فرانس:
نیٹ کیفیز نےجہاد کےنئے راستے کھول دیے ہیں۔ معلوم نہیں اس پر فتویٰ دینے والے سو گئے ہیں یا وہ خود نیٹ پر جا چکے ہیں۔ اگر بی بی سی کو ہمیشہ اپنی رائے ہی شائع کرنا ہوتی ہے تو پھر ہم سے رائے مانگنے کا تکلف کیوں؟

لیاقت کنجن، میانوالی، پاکستان:
اگر حکومت کا یہ خیال ہے کہ وہ قابلِ اعتراض سائیٹس کو روک سکتی ہے تو یہ اس کی بھول ہے۔ اگر برائی کو روکنا مقصود ہے تو ہمیں معاشرتی تبدیلیاں لانے پر توجہ دینی چاہیے نہ کہ حکومتی پابندیوں پر۔

عمران سیّد، مشیگن، امریکہ:
پاکستان میں تو سائیبر کیفے بُرے کاموں کے لیے ہی استعمال ہوا ہے۔ خفیہ کیمروں کی مدد سے جو تصاویر اور ویڈیوز سامنے آئی ہیں ان سے تو یہی ثابت ہوتا ہے۔ سائیبر کیفیز میں صرف یاہُو اور ایم ایس این کی اجازت ہونی چاہیے اور چُیٹ رومز کو بلاک کر دینا چاہیے۔

یاسر نقوی، کراچی، پاکستان:
آج کل نیٹ کیفیز پاکستان میں وہی کردار ادا کر رہے ہیں جو اسّی کی دہائی میں ویڈیو سنٹرز نے کیا تھا۔ آہستہ آہستہ سب کو عادت ہو جائے گی۔

طارق محمود، سرگودھا، پاکستان:
پاکستان میں لوگوں نے نیٹ کیفیز کا منفی استعمال ہی کیا ہے اور افسوس یہ ہے کہ اس استعمال میں دن بدن اضافہ ہی ہو رہا ہے۔

قیصر، بیجنگ، چین:
ہمیں انٹر نیٹ کے بارے میں اپنے رویُوں میں تبدیلی لانے کی ضرورت ہے۔ فائروالز یا سائیٹس بند کرنا مسئلے کا حل نہیں ہے۔

صالح محمد، راولپنڈی، پاکستان:
پاکستان میں انٹرنیٹ کا استعمال زیادو تر منفی ہی رہا ہے۔ صرف بیس فیصد لوگ اس کو تعلیمی مقاصد یا دوسرے لوگوں سے رابطہ رکھنے کی لیے استعمال کرتے ہیں جبکہ اسّی فیصد لوگ اس کو چُیٹنگ اور غیراخلاقی سائیٹس دیکھنے کے لیے استعمال کرتے ہیں۔ جب تک لوگوں میں شعور نہیں پیداہوجاتا اس وقت تک پاکستان میں انٹرنیٹ سے کچھ خاص فوائد حاصل نہیں کیے جا سکتے۔

فیصل جمال، چکوال، پاکستان:
آج کل انٹرنیٹ اور سائیبر کیفیز ہر پڑھے لکھے شخص کی ضرورت بن چکے ہے۔ یہ تعلیمی ضروریات پورا کرنے کا نہ صرف آسان ترین بلکہ سستا ترین ذریعہ ہیں۔ پاکستان جیسے ترقی پزیر ممالک کو ان سہولتوں کو مثبت استعمال میں
لا کر بھرپور فائدہ اٹھانا چاہیے۔