ارشاد الحق
پٹنہ |  |
| | | جہاں دونوں ملکوں کے رشتوں میں تلخی رہی ہے وہیں دوستی کے اسباق بھی پڑھنے کو ملتے رہتے ہیں |
ممبئی میں ہونے والے حالیہ حملوں کے بعد بھارت اور پاکستان کے درمیان بڑھتے تنازع سے پورے خطے کے عوام میں بھلے ہی بےچینی اور تناؤ ہے لیکن شمالی ریاست بہار کے پورنیہ ضلع کے ’پاکستان‘ نامی گاؤں کے عوام امن اور بھائی چارے کا پیغام دینے کی اپنی روایت پرآج بھی قائم ہیں اور وہ نہیں چاہتے کہ کسی صورت جنگ ہو۔ ’پاکستان‘ مغربی بنگال کی سرحد کے قریب ایک گاؤں ہے جہاں کے مسلمان بھارت کی تقسیم کے بعد اس وقت کے مشرقی پاکستان ہجرت کرگئے تھے اور جن کی یاد میں مقامی غیرمسلموں نے سندھیا پنچایت کےاس اجڑے ہوئے گاؤں کا نام ’پاکستان‘ رکھ دیا تھا۔ دونوں ممالک کے درمیان روایتی تلخ رشتے اور کچھ مقامی عناصر کی مخالفت کے باوجود یہاں کے لوگوں نے اپنے گاؤں کا نام نہیں بدلا ہے اور آج بھی یہ گاؤں ’پاکستان‘ ہی کہلاتا ہے۔ لیکن ’پاکستان‘ میں آج ایک بھی مسلم خاندان آباد نہیں ہے۔ اس گاؤں میں یوں تو زیادہ تر لوگ ناخواندہ ہیں اور انہیں بھارت اور پاکستان کے موجودہ تلخ رشتوں کی شدت کا احساس نہیں ہے لیکن کچھ لوگ کافی باشعور ہیں۔ |  ہو سکتا ہے کہ کچھ لوگ اس گاؤں کے نام پر اعتراض کرتے ہوں لیکن لیکن انتظامیہ کو ایسی کوئی شکایت نہیں ملی ہے اور سرکاری دستاویز میں بھی اس کا نام پاکستان ہی ہے۔  بلاک ڈیویلپمینٹ آفیسر ونیے کمار پنکج |
وہ مزید کہتے ہیں کہ’جب بھی دونوں ممالک کے رشتے کشیدہ ہوتے ہیں تب ہم ایک نفسیاتی دباؤ کے شکار ہوجاتے ہیں کیونکہ کچھ عناصرہم پر دباؤ ڈالتے ہیں کہ ہم دشمن ملک کے نام سے کیوں جاے جاتے ہیں۔‘ یہ گاؤں ضلع پورنیہ کے شری نگر بلاک میں ہے۔اس بلاک کے بلاک ڈیویلپمینٹ آفیسر ونیے کمار پنکج کہتے ہیں: ’ہو سکتا ہے کہ کچھ لوگ اس گاؤں کے نام پر اعتراض کرتے ہوں لیکن انتظامیہ کو ایسی کوئی شکایت نہیں ملی ہے اور سرکاری دستاویز میں بھی اس کا نام پاکستان ہی ہے۔‘ اسی گاؤں میں کئی نسلوں سے آباد سبل ہیمبرم کا خاندان بھی رہتا ہے۔ ہیمبرن بتاتے ہیں:’ہمارے آباؤ اجداد یہاں کے مسلمانوں کے کھیتوں میں مزدوری کرتے تھے۔ ملک کے بٹوارے کے بعد جب وہ لوگ مشرقی پاکستان ہجرت کرنے لگے توانہوں نے اپنی زمین ہمارے آباؤ اجداد کے حوالے کردیں اور ان کے اسی احسان کے بدلے ہمارے باپ داداؤں نے اس گاؤں کا نام پاکستان رکھ دیا۔‘ | ملک کے بٹوارے کے بعد جب وہ لوگ مشرقی پاکستان ہجرت کرنے لگے توانہوں نے اپنی زمین ہمارے آباؤ اجداد کے حوالے کردی اور ان کے اسی احسان کے بدلے ہمارے باپ داداؤں نے اس گاؤں کا نام پاکستان رکھ دیا۔ عبدالستار |
اسی ضلع کے ویر پور پنچایت کے پوکھریا گاؤں کے بزرگ باشندے حبیب میاں کو اس گاؤں کے وہ تمام واقعات اب بھی یاد ہیں جب یہاں کے باشندے مشرقی پاکستان ہجرت کر رہے تھے۔ چھہتر سالہ حبیب اپنے بچپن کے دنوں کو یاد کرتے ہوئے بتاتے ہیں:’ تقسیم ہند کے دوران میں کوئی پندرہ سال کا رہا ہوگا۔ مجھے یاد ہے کہ پورا گاؤں مسلمانوں کا تھا لیکن 1947 سے 1950 تک رفتہ رفتہ یہاں کے لوگ ہجرت کر کے مشرقی پاکستان (اب بنگلہ دیش) چلے گئے۔ اس وقت یہ لوگ اپنا گاؤں کیوں چھوڑ رہے تھے میری سمجھ میں نہیں آتا تھا۔‘ ضلع ہیڈ کوارٹرس سے لگ بھگ پینتیس کلومیٹر کے فاصلے پر واقع یہ گاؤں تمام بنیادی سہولتوں سے محروم ہے جہاں پہنچنے کے لیے ایک چھوٹی ندی کو پہلے کشتی سےاور پھر پگڈنڈیوں کے راستے پیدل عبور کرنا پڑتا ہے۔ اس گاؤں میں بجلی، پانی، سڑک اور سکول جیسی تمام سہولیات ندارد ہیں۔ یہاں کے بلاک ڈیولپمینٹ آفیسر ونیے کمار پنکج کہتے ہیں: ’یہاں پرائمری سکول نہیں ہے لیکن یہاں کے اکے دکے بچے قریب کے گاؤں میں تعلیم حاصل کرنےجاتے ہیں لیکن انتظامیہ کوشش کر رہی ہے کہ اس گاؤں میں بھی ترقیاتی پروگرام چلائے جائیں۔‘ | 
’آئین مذہبی آزادی کو تحفظ دیتا ہے‘
