ریاض مسرور بی بی سی اُردو ڈاٹ کام، سرینگر

	جمعہ کی نماز کے بعد احتجاجی مظاہرے ہو رہے ہیں جبکہ سنیچر کو مکمل ہڑتال کی کال دی گئی ہے

اس دوران جمعہ کی نماز کے بعد احتجاجی مظاہرے ہو رہے ہیں جبکہ سنیچر کو مکمل ہڑتال کی کال دی گئی ہے۔

یہاں کے بااثر علیحدگی پسند رہنما سید علی گیلانی نے اعلان کیا ہے کہ پولیس اور سرکاری املاک پر پتھراؤ کرنا موجودہ تحریک کا حصہ نہیں ہے۔

انہوں نے جمعہ کے روز رابطہ کمیٹی کی کال پر ہونے والے احتجاجی مظاہرے کی مناسبت سے ایک بیان میں کہا’ عوامی جلسے جلوسوں میں ہندوستانی ایجنیسوں کے لوگ شامل ہوجاتے ہیں، وہ تشدد کرتے ہیں اور فوج و نیم فوجی عملے کو عام لوگوں پر گولیاں برسانے کا جواز بھی فراہم کرتے ہیں۔ایسے ایک نوجوان کو لوگوں نے بارہمولہ میں رنگے ہاتھوں پکڑ لیا ہے۔‘

عوامی جلسے جلوسوں میں ہندوستانی ایجنیسوں کے لوگ شامل ہوجاتے ہیں، وہ تشدد کرتے ہیں اور فوج و نیم فوجی عملے کو عام لوگوں پر گولیاں برسانے کا جواز بھی فراہم کرتے ہیں۔ایسے ایک نوجوان کو لوگوں نے بارہمولہ میں رنگے ہاتھوں پکڑ لیا ہے سید علی گیلانی ، سخت گیر علحیدگی پسند رہنما

قابل ذکر ہے کہ اُنیس سو نوّے میں برپا ہوئی مسلح شورش کے مقابلے موجودہ عوامی تحریک واضح طور پر پرامن رہی۔

پاکستان کےزیرانتظام کشمیر میں مقیم کشمیر کی آزادی کے لیے سرگرم عسکری تنظیموں کے اتحاد متحدہ جہاد کونسل کے سربراہ سید صلاح الدین نے پہلے ہی رمضان کے مہینے میں ’سیز فائر‘ کا اعلان کیا ہے، اور ساتھ ہی وادی میں سرگرم عسکریت پسندوں کو ہدایات جاری کردی ہیں کہ وہ ایسے مقامات پر کارروائیاں کرنے کے گریز کریں جہاں سے عوامی جلسے منعقد ہورہے ہوں۔