ریحانہ بستی والا بی بی سی اردو ڈاٹ کام ، ممبئی

	چند مہینوں سے ممبئي بازار حصص ميں مسلسل مندی دیکھی جارہی تھی

نیشنل سٹاک ایکسچینج آف انڈيا یعنی نفٹی بھی ایک سو اکیاسی پوائنٹ کی تیزی کے ساتھ 4421.45 پر پہنچ گیا۔

ملک میں حکومت کے استحکام کے ساتھ ہی اس کی اقتصادی صورتحال میں بہتری کے آثار نمایاں ہو رہے ہیں۔

بازار کے ماہرین کے خيال ميں حصص میں گزشتہ روز سے ہی اچھال دیکھا جا رہا تھا کیونکہ بروکروں کو حکومت کی کامیابی کے امکانات روشن نظر آ رہے تھے۔

ممبئی کے حصص بازار میں تیس کمپنیاں رجسٹر ہیں اور سب نے منافع کمایا۔ بینکوں، ریئل اسٹیٹ اور سرمایہ کاری کے شعبوں کے حصص میں چھ سے آٹھ فیصد کا اضافہ ہوا ہے

ممبئی کے بازار حصص میں تیس کمپنیاں رجسٹر ہیں اور سب نے آج منافع کمایا۔ بینکوں، ریئل اسٹیٹ اور سرمایہ کاری کے شعبوں کے حصص میں چھ سے آٹھ فیصد کا اضافہ ہوا ہے۔

سب سے زیادہ منافع بھیل کمپنی کو ہوا ہے اس نے نو فیصد کا منافع کمایا جبکہ بینکوں کے زمرے میں آئی سی آئی سی آئی بینک منافع میں سب سے آگے ہے۔اس کے بعد ریلائنس انفراسٹرکچر، ایچ ڈی ایف سی بینک اور ڈی ایل ایف کو ہوا ہے۔ جبکہ گزشتہ کئی ہفتوں سے حصص بازار میں ان کمپنیوں کے حصص لگاتار گرتے جا رہے تھے۔

بازار کے تجزیہ نگار اسے حکومت کی غیر یقینی صورتحال سے بھی جوڑ کر دیکھ رہے تھے حالانکہ حصص بازار میں حصص کی قیمتوں میں مندی کی وجوہات میں تیل کی قیمتوں اور مہنگائی میں بتدریج اضافہ اور امریکی اقتصادی حالت بھی شامل ہیں۔

حصص بازار کے سرمایہ کار ویرل شاہ کے مطابق حکومت کی اتحادی جماعت بایاں محاذ کی حکومت سے حمایت لینے کے بعد سے بازار میں کھلبلی مچی ہوئی تھی۔لوگوں نے سرمایہ لگانہ بند کر دیا تھا، اس کے علاوہ جوہری معاہدہ پر رسہ کشی کے سبب غیر ملکی سرمایہ کاروں کی بڑی تعداد نے بازار سے اپنا سرمایہ نکال لیا تھا، لیکن اب حکومت کے استحکام کے بعد فارین انسٹی ٹیوشنل انویسٹرز یعنی ایف آئی آئی کی ممبئی سٹاک ایکسچینج میں سرمایہ کاری کرنے کی توقع کی جا سکتی ہے۔