بینو جوشی بی بی سی،جموں

	ہندوستان نے الزام لگایا ہے کہ سرحد پار سے پھر دراندازی شروع ہو گئی ہے

یہ واقعہ بدھ کے روز جموں کے ڈوڈا ضلع کے پہاڑی جنگلوں میں پیش آیا۔

ڈوڈا کے سینئر سپریٹینڈنٹ آف پولیس منوہر سنگھ نے بتایا کہ پولیس کو اطلاعات موصول ہوئی تھیں کہ ڈوڈا ضلع کے گنڈنا گاؤں کے ایک گھر میں لشکرِ طیبہ کا شدت پسند موجود ہے۔ اطلاع ملنے کے بعد پولیس نے اس گھر کو گھیر لیا جہاں شدت پسند موجود تھا۔

پولیس نے گھر کی تلاشی لی اور اس کارروائی میں شدت پسند اور اور اس کی اہلیہ کو ہلاک کر دیا۔

منوہر سنگھ کے مطابق ہلاک ہونے والے شدت پسند کی شناخت شبیر احمد ایٹو عرف یاسر کے طور پر ہوئی ہے جو لشکرِ طیبہ کے ڈویژنل کمانڈر تھے۔ شبیر احمد کی اہلیہ کا نام سمرینا تھا۔

منوہر سنگھ کا کہنا ہے کہ سمرینا شدت پسندوں کو زمینی مدد، اسلحہ اور دھماکہ خیز مادہ فراہم کرنے میں مدد کرتی تھیں۔

منوہر سنگھ کا کہنا ہے شبیر احمد اور اس کی اہلیہ کا تعلق گنڈنا گاؤں سے ہی تھا اوردونوں کی شادی ایک برس پہلے ہوئی تھی۔

پولیس کے مطابق سیکورٹی اہلکاروں نے جائے وقوعہ سے اسلحہ بھی برآمد کیا ہے۔