انڈیا ان ممالک میں شامل ہے جہاں موبائل فون کے کاروبار میں زبردست ترقی درج کی جا رہی ہے۔

کمپنی کا کہنا ہے کہ فی الوقت پورے ملک میں ان کے پاس تین کروڑ پچاس لاکھ صارفین اور چار لاکھ دکانیں ہیں۔

اہلکاروں کا کہنا ہے کہ یہ دنیا کی اب تک سب سے بڑی ’ری برانڈگ‘ میں سے ایک ہے اور اس میں کئی کروڑ ڈالر خرچ ہوں گے۔

اس برس فروری میں ووڈا فون کے چیف ایگزیکٹو آفیسر ارون سرین نے دلی میں مستقبل کے منصوبات کے بارے میں بتاتے ہوئے کہا تھا کہ ان کی کمپنی انڈیا کی حکومت کے اس منصوبے میں ایک اہم کردار ادا کرے گی جس کے تحت ملک میں زیادہ سے زیادہ لوگوں تک موبائل فون سروس پہنچانے کی کوشش کی جائے گی۔

خیال کیا جاتا ہے کہ کل آمدنی کے لحاظ سے ووڈا فون دنیا کی سب سے بڑی موبائل فون کمپنی ہے۔

کمپنی کا کہنا ہے کہ وہ انڈیا میں 2010 تک موبائل سروس فراہم کرنے والی کمپنیوں ميں سب سے اونچا مقام حاصل کرے گی۔

انڈیا دنیا کے ان ممالک میں شامل ہے جہاں موبائل فون کے بازار میں زبردست ترقی درج کی جا رہی ہے۔