سنیل مہتو کا تعلق جھار کنڈ مکتی مورچہ سے تھا

مہتو کو اس وقت ہلاک کیا گیا جب وہ ہولی کے موقع پر مہمان خصوصی کی حیثیت سے فٹبال میچ دیکھنے کے لیے کشن پور کے قریب ایک سٹیڈیم میں موجود تھے۔

حملے میں مہتو کے دو باڈی گارڈوں سمیت تین دیگر افراد بھی ہلاک ہوئے۔

سنیل مہتو کا تعلق جھار کنڈ مکتی مورچہ سے تھا۔ انہیں حملے کے بعد قریبی ہسپتال پہنچایا گیا جہاں انہیں مردہ قرار دے دیا گیا۔

جھار کنڈ کا شمار انڈیا کی ان ریاستوں میں ہوتا ہے جو ماؤ نوازوں کی کارروائیوں کا شکار ہیں۔