حزب اختلاف کی جماعتوں نے پارلیمان میں ہنگامہ آرائی کی

مسلم شراکت بڑھنی چاہیئے

لوک سبھا میں حزب اختلاف کی جماعت بھارتیہ جنتا پارٹی کے رہنما وی کے ملہوترا نے اس موضوع پر بحث کے لیے وقفہ سوالات کو ملتوی کرنے کا مطالبہ کیا۔

حزب اختلاف کی ہنگامہ آرائی کےسبب پہلےتھوڑے وقفے کے لیےایوان کی کارروائی ملتوی کی گئی لیکن جیسے ہی کارروائی پھر شروع ہوئی نعرے بازی اور ہنگامہ آرائی پھر شروع ہو گئی۔آخر کاردونون ایونوں کی کارروائی پورے دن کے لیے ملتوی کرنی پڑی۔

ہفتے کے روز وزير اعظم منموہن سنگھ نے قومی ترقیاتی کونسل کےاجلاس میں کہا تھا کہ اقلتیوں اور خاص طور پرمسلمانوں کو ملک کی ترقی میں مساوی حصہ داری دی جانی چاہیئے

ہفتے کے روز وزير اعظم منموہن سنگھ نے قومی ترقیاتی کونسل کےاجلاس میں کہا تھا کہ اقلتیوں اور خاص طور پرمسلمانوں کو ملک کی ترقی میں مساوی حصہ داری دی جانی چاہیئے۔انہوں نے یہ بھی کہا تھا کہ مسلمانوں کو اس حد تک مضبوط بنانے کی ضرورت ہے کہ وہ ملک کی ترقی میں برابر کے حصّے دار بن سکیں۔

حزب اختلاف کا کہنا ہے کہ مسلمانوں کو ترجیح دینے کی بات دراصل وزیراعظم آئندہ اسمبلی کے انتخابات کے پیش نظر کر رہے ہیں اور انکی نظرمسلمانوں کے ووٹ پر ہے۔

وزیراعظم کے بیان پر سیای حلقوں میں بحث چھڑ گئی ہے ۔وزیر اعظم کےدفتر کی جانب سے بھی ایک وضاحتی بیان جاری کیا گیا ہے جس میں یہ کہا گیا کہ مسٹر سنگھ کے بیان کو مسخ کر کے پیش کیا گیا ہے انہوں نےصرف مسلمانوں کی نہیں بلکہ ملک کےسبھی کمزور اور پسماندہ طبقوں کے بارے میں یہ بات کہی تھی۔