ہارون رشید بی بی سی اردو ڈاٹ کام، پشاور

	پولیس دھماکے کی جگہ کا معائنہ کر رہی ہے

صوبائی پولیس کے مطابق یہ دھماکہ شام چھ بجے کے وقت شہر کے مہنگے ترین ڈیفینس علاقے میں ہوا۔

پشاور میں بم دھماکہ: تصویروں میں

صوبہ سرحد کے انسپکٹر جنرل پولیس رفعت پاشا نے بی بی سی کو دھماکے کے مقام پر بتایا کہ ابھی تحقیقات جاری ہیں تاہم بظاہر یہ خودکش حملہ دکھائی نہیں دیتا۔ ان کا کہنا تھا کہ ہلاک ہونے والے شخص کی لاش بہتر حالت میں ہے جس سے معلوم ہوتا ہے کہ یہ خودکش حملہ آور نہیں تھا۔

ان کا کہنا تھا کہ ہلاک ہونے والے شخص کی شناخت ہوچکی ہے تاہم انہوں نے اس بارے میں تفصیل بتانے سے گریز کیا۔ موٹر سائیکل مکمل طور پر دھماکے میں تباہ ہوگیا۔ قریبی مکانات کی کھڑکیوں کے شیشے ٹوٹ گئے۔

	دھماکے کے فورا بعد پولیس اور فوج نے علاقے کو گھیرے میں لے لیا

یہ دھماکہ ایک ایسے وقت ہوا جب وزیر اعظم شوکت عزیز بھی شام کو پشاور کے دورے پر پہنچے۔ سکیورٹی کی وجہ سے ان کے دورے اور مصروفیات کو خفیہ رکھا گیا تھا۔

دھماکے کے فورا بعد پولیس اور فوج نے علاقے کو گھیرے میں لے لیا اور صحافیوں کو دھکے دے کر دور کیا۔