 | | | | | | | |||||||||||||||||||||||||||||||||||||||||||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||||||||||||||||||||||||||||||||||||||||||||||
|
محمد افضل کی پھانسی کے دن قریب | ||||||||||||||||||||||||||||||||||||||||||||||||||||||||||||||||||||||||||||||||||||||||||||
عدالت کے حکم کے مطابق پارلیمنٹ پر حملے کے مجرم محمد افضل گورو کو پھانسی دیئے جانے میں اب محض چند دن باقی ہیں۔ پہلے سے مقررہ وقت کے مطابق افضل کو 20 اکتوبر کو جمعۃ الوداع کے دن صبح چھ بجے پھانسی پر چڑھایا جانا ہے ۔ افضل کی رحم کی اپیل صدر کے پاس ہے ۔ لیکن اس سے پہلے کہ وہ اس پر غور کرنا شروع کرتے بھارتیہ جنتا پارٹی اور اسکی ہمنوا جماعتوں اور تنظیموں نے رحم کی اپیل مسترد کرانے کی مہم شروع کر دی ہے۔ ادھر افضل کے وکیل اور بعض سماجی کارکنوں کا کہنا ہے قومی سلامتی کے معاملے میں خفیہ ادارے اکثر فرضی ثبوت تخلیق کرتے ہیں۔ اس سلسلے میں وہ صحافی افتخار گیلانی کی مثال دیتے ہیں جنہیں پولیس اور خفیہ اداروں نے مل کر کئی طرح کے جعلی الزامات میں ملوث کر دیا تھا ۔ ان کارکنوں کا کہنا ہے کہ افضل کو بھی ان اندیشوں کے تحت موت کی سزا نہیں دینی چاہیئے کہ کہیں ان کے خلاف بھی ثبوت پختہ نہ ہوں۔ واضح رہے کہ عدالت نے افضل کو موت کی سزا براہ راست ثبوتوں کی بنیاد پر نہیں بلکہ حالات اور کوائف کی بنیاد پر سنائے ہیں۔ صدر جمہوریہ نے افضل کی رحم کی اپیل پر وزارت داخلہ سے بعض قانونی نکات پر وضاحت طلب کی ہے ۔ قانونی ماہرین کا کہنا ہے کہ اگر حکومت کو افضل کو پھانسی دینے کی جلدی نہ ہوئی تو اس بات کے امکان کم ہی ہیں کہ 20 اکتوبر کی تاریخ پر عمل ہوگا۔ اطلاعات کے مطابق موت کی سزا پانے والے کئی مجرمون کی رحم کی اپیلیں کئی کئی مہینے سے صدر کے پاس ہیں ۔ جارج فرنانڈیڑ برے پھنسے
سی بی آئی کا خیال ہے اسرائیلی ساخت کے براک میزائلوں کی خریداری میں رشوت اور کمیشن کے طور پر 174 کروڑ روپئے سیاست دانوں اور ایجنٹوں کو دیے گیے ہیں ۔ مسٹر فرنانڈس نے ان تمام الزامات کو سیاسی انتقام کی کارروائی قرار دیا لیکن اب تک اپنے دفاع میں انہوں نے جو بھی دلیلیں دی ہیں وہ کارگر ثابت نہیں ہورہی ہیں ۔ ان حالات میں ان کی پارٹی کے ساتھ ساتھ اب ان کی رفیق بی جے پی بھی ان سے دامن بچانے کی کوشش کر رہی ہے۔ ہند و پاک بینک کھولیں گے رزرو بینک آف انڈیا اور اسٹیٹ بینک آف پاکستان کے درمیان معاہدے کے تحت پنجاب نیشنل بینک اور اسٹیٹ بینک آف انڈیا نے پاکستان میں اپنی شاخیں کھولنے کی اجازت مانگی ہے۔ معاہدے کے تحت پاکستان کے دو بینک اپنی شاخیں ہندوستان میں کھولیں گے۔ لیکن پاکستان کے سب سے بڑے پرائیویٹ بینک حبیب بینک کو ہندوستان بعض نامعلوم سکیورٹی خدشات کے سبب اپنی شاخ کھولنے کی اجازت شاید نہیں دے گا۔ اس بینک کے اکثریتی حصص اسماعیلی شیعہ مسلک کے روحانی پیشوا آغا خان کے پاس ہیں۔ آئندہ ماہ سیکریٹریوں کی سطح پر ہونے والی بات چیت میں ہندوستان پاکستان سے کسی اور بینک کا نام تجویز کرنے کی درخواست کرے گا۔ کروڑپتیوں کی تعداد بڑھی
عالمی مالیاتی ادارے میرل لنچ کے ایک جائزے کے مطابق ان کروڑ پتیوں کے مجموعی اثاثوں کی مالیت اس وقت 290 بلین ڈالر ہے جو 2010 میں بڑھ کر 500 بلین ڈالر تک پہنچ جائے گی۔ کروڑ پتیوں کی اس دوڑ میں ہندوستان جاپان اور چین سے ابھی بہت پیچھے ہے ۔ جاپان میں کروڑ پتیوں کی تعداد 14 لاکھ سے زیادہ ہے جبکہ چین سوا تین لاکھ کے ساتھ دوسرے نمبر پر ہے ۔ ان اعدادوشمار سے پہلے باسٹن کنسلٹنگ گروپ نے ایک رپورٹ میں کہا تھا کہ ہندوستان دنیا میں سب سے تیزی سےدولت بنانے والا ملک بن گیا ہے۔ وزیر اعظم کے ایریا میں سانڈ یوں تو دلی کی سڑکوں پر گایوں کے جھنڈ نظر آنا اتنا ہی عام ہے جتنی کاریں لیکن پچھلے دنوں اس وقت میونسپل کارپوریشن کی حالت خراب ہو گئی جب ایک سانڈ نے وی آئی پی علاقے میں تقریباً سات گھنٹے تک بھگدڑ مچائے رکھی۔ سانڈ نے شہر کے فیشن ایبل ایریاکناٹ پلیس سے جو دوڑنا شروع کیا تو مختلف بازاروں اور سڑکوں سے گزرتا ہوا ایک ایسے علاقے میں پہنچ گيا جہاں سے بعد میں وزیر اعظم گزرنے والے تھے۔ سانڈ نے راستے میں کم ازکم چھ افراد کو زخمی کیا۔ سانڈ کو آخرکار ڈارٹ گن سے بیہوش کرنا پڑا، تب جا کر بلا ٹلی۔
وزنی ایر ہوسٹس معطل ہندوستان کی سرکاری ایر لائنز انڈین نے ان ایر ہوسٹس کو معطل کر دیا ہے جن کا وزن مقررہ وزن سے زیادہ پایا گیا ہے۔ انڈین ایر لائنز کی ایر ہوسٹس نے اس فیصلے کو عدالت میں چیلنج کیا ہے اور کہا ہے کہ کسی کی صلاحیت کا فیصلہ اس کے وزن سے نہیں کیا جا سکتا۔ زیادہ وزن والی ان ایر ہوسٹس نے یہ الزام عائد کیا ہے کہ ایر لائنز وزن کا بہانہ بنا کر 45 برس اور اس سے زیادہ عمر کی ایر ہوسٹسس کو نکالنے کی کوشش کر رہی ہے ۔ عدالت میں دائر کی گئی درخواست کے مطابق ایر لائنز نے 1990 میں ایک سر کلرجاری کیا تھا جس میں کہا گیا تھا کہ جن کا وزن مقررہ وزن سے دس کلوگرام زیادہ ہے وہ ہر مہینے ایک کلو کے حساب سے اپنا وزن کم کریں۔ بعد میں زیادہ وزن کی حد پانچ کلو اور پھر تین کلو کی گئی۔ اس سال جون سے زیادہ وزن کے معاملے میں کسی طرح کی رعایت ختم کر دی گئی۔ | 
| ||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||
’آئین مذہبی آزادی کو تحفظ دیتا ہے‘
