نادیہ پرویز بی بی سی اردو ڈاٹ کام کھیتاواس گاؤں، ہریانہ

	سانپوں کو پالنا اور پکڑنا غیر قانونی ہے لیکن چڑیاگھروں میں سانپوں سمیت ہزاروں جانور قید ہيں

زہر سے زہر کا علاج

سپیرے کس کے آگے بین بجائیں

جہاں بچے سانپوں سے کھیلتے ہیں

وقت بدلا اور حالات میں بھی تبدلی آئی۔ حکومت نے جانوروں کے تحفظ کےلیئے سانپ پکڑنے اور پالنے پر پابندی عائد کر دی اور اب حالات کچھ اس طرح کے ہیں کہ سپیروں کا ملک اب سپیروں کے وجود کو ہی بھولتا جا رہا ہے۔

ملک میں موجود ہزاروں سپیرے اب بے روزگاری سے دوچار ہیں۔ ریاست ہریانہ کے کھیتاواس گاؤں جسے سپیروں کا گاؤں کہا جاتا ہے وہاں 1100 کی آبادی میں سپروں کی تعداد تقریبا پانچ سو ہے۔

	بچیاں شادی کے قابل ہو گئی ہیں لیکن شادی کیسے ہو؟ ایک ماں کا سوال

دیگر سپیرے پرکاش ناتھ اپنے پرانے دنوں کو بڑی شدت سے یاد کرتے ہوئے بتاتے ہیں کہ برادری کے لوگ ناچ گا کر رقم جمع کیا کرتے تھے اور اکثر لوگ خوش ہو کر اناج بھی دیا کرتے تھے۔

وہ بتاتے ہیں کہ ’اناج کو فروخت کرنے سے بھی ہمیں کافی پیسے مل جاتے تھے لیکن اب پانچ دن میں بیس روپے ملتے ہیں، دس افراد کا خرچ کیسے چلے‘۔

سپیروں کے اس گاؤں ميں جہاں ایک طرف لوگ بے روزگاری سے پریشان ہیں وہیں دوسری جانب عورتیں اپنے بچوں کی شادی کے بارے میں بھی کافی فکرمند ہیں۔

ایسی ہی ایک ماں اپنے حالات کے بارے میں بتاتے ہوئے کہتی ہیں کہ ’میری چار لڑکیاں ہیں اور سبھی شادی کے لائق ہو چکی ہیں لیکن اتنے پیسے ہی نہیں ہیں کہ انکی شادی کی جائے‘۔

	’مجبوری میں درزی کا کام تو کر رہا ہوں لیکن آمدنی یہاں سے بھی نہیں ہو رہی ہے‘

وجیندر ایسے ہی نوجوانوں میں سے ایک ہیں جنہوں نے درزی کے پیشے کو اپنایا تو ضرور لیکن وہاں بھی وہ پوری طرح کامیاب نہیں ہو سکے۔

وہ کہتے ہیں کہ ’مجبوری میں درزی کا کام تو کر رہا ہوں لیکن آمدنی یہاں سے بھی نہیں ہو رہی ہے‘۔

کھیتاواس گاؤں کے یہ باشندے ان ہزاروں سپروں کی زندگی کی حقیقت کی عکاسی کرتے ہیں جو اس وقت انتہائی مشکل حالات میں زندگی گزار رہے ہيں۔ آج ان کے پاس وہ بین تو ضرور موجود ہے جس کی دھن پر سانپ جھوم جھوم کر ناچتے تھے اور سپیروں کی جھولی پیسوں اور اناج سے بھر جاتی تھی لیکن جانوروں کے تحفظ کے نام پر سانپوں کو پکڑنے اور پالنے پر لگائی گئی پابندی نے اس بین کو خاموش کرا دیا ہے اور اس کے ساتھ ہی سپیروں کی جھولی بھی اب خالی ہو گئی ہے۔