 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
بھارت: پولیس چوکس، ملزموں کی تلاش جاری | ||||||||||||||||||||||||||||||||||||||||
بھارت میں پولیس ممبئی کے بم دھماکوں جن میں ایک سو ستر سے زیادہ افراد ہلاک اور چار سو سے زیادہ زخمی ہوئے کے ذمہ دار افراد کا سراغ لگانے کی کوشش کر رہی ہے۔ بم سکواڈ کے اہلکار کُتوں کی مدد سے ان ریل گاڑیوں کے ملبے کی چھان بین کر رہی ہے جو سات بم حملوں کا نشانہ بنی تھیں۔ پولیس نے ملک کی ریاستوں مہارشٹرا اور اتر پردیش میں مختلف مقامات پر چھاپے بھی مارے ہیں۔ ممبئی میں دھماکوں کے بعد ریاست اتر پردیش میں بھی حفاظتی اقدامات کے تحت ریڈ الرٹ کا اعلان کر دیا گیا ہے۔ ممبئی میں بی بی سی کے نامہ نگار زبیر احمد کے مطابق حکام کے ہاتھ کچھ سراغ بھی لگے ہیں لیکن وہ کچھ بتانے سے گریزاں ہیں۔ انہوں نے بتایا کہ کچھ لوگوں کو حراست میں لیا گیا ہے لیکن کسی کو باقاعدہ گرفتار نہیں کیا گیا۔ ابتدائی طور پر کسی نے ان دھماکوں کی ذمہ داری قبول نہیں کی۔ بھارتی حکومت کی طرف سے بھی کسی تنظیم کا نام نہیں لیا گیا اور ماضی کے برعکس اس بار وہ بہت محتاط ہیں۔ بم دھماکوں کے بعد بڑی تعداد میں لوگ اپنے لاپتہ ہو جانے والے لواحقین کی تلاش میں ہسپتالوں کے چکر کاٹ رہے ہیں۔ ممبئی سے ملنے والی اطلاعات کے مطابق کئی لوگوں کی لاشوں کی شناخت بھی نہیں ہو سکی۔
ابھی تک کسی نے ان حملوں کی ذمہ داری قبول نہیں کی جو بھارتی حکومت کے مطابق زبردست منصوبہ بندی کا نتیجہ تھے۔ تمام دھماکے ممبئی کی مغربی ریلوے کی ریل گاڑیوں پر ہوئے۔ ممبئی میں ریلوے کا نظام دنیا کے بڑے ریلوے نظاموں میں سے ایک ہے جس پر ہر روز تقریباً ساٹھ لاکھ افراد سفر کرتے ہیں۔ ہسپتالوں میں مریضوں کی حالت اور دھماکوں کی سنگینی کے باعث اس خدشے کا اظہار کیا جا رہا ہے کہ ہلاک شدگان کی تعداد کہیں زیادہ ہو سکتی ہے۔ بعض مقامی ذرائع ابلاغ کا دعوی ہے کہ مرنے والوں کی تعداد دو سو سے بھی متجاوز ہے۔ مہاراشٹرا کے وزیر اعلیٰ نے بتایا کہ مرنے والوں کی تعداد ایک سو پچھتر تک پہنچ گئی ہے۔
ہمارے نامہ نگاروں کے مطابق ٹرینوں کی آمد و رفت معطل ہونے کی وجہ سے رات گئے تک بے شمار افراد شہر میں پھنسے رہے۔ ممبئی میں شدید بارش جاری ہے جس کی وجہ سے امدادی کاموں میں مشکلات پیش آ رہی ہیں۔ نامہ نگار زبیر احمد کا کہنا ہے کہ ممبئی میں ریلوے کی کچھ سروس بحال کر دی گئی ہے اور حکام کے مطابق بدھ کی دوپہر تک دو تہائی ٹرینیں چلنا شروع کر دیں گی۔
اطلاعات کے مطابق پہلا دھماکہ کھار اور سینٹاکروز کے درمیان ایک مقامی ٹرین میں ہوا۔ اس دھماکے میں ٹرین کا ایک پورا ڈبہ تباہ ہوگیا۔ دوسرا دھماکہ میرا روڈ اور بھینڈر کے درمیان ایک لوکل ٹرین میں ہوا۔ اس کے بعد جوگیشوری، ماھم اور بوریویلی میں ٹرین سٹیشنوں پر دھماکے ہوئے۔ حکومت نے متاثرین کو اطلاع کی فوری فراہمی کے لیئے امدادی لائنز بھی قائم کی ہیں جن کے نمبر یہ ہیں۔ ممبئی: 22005388 (022) |  اسی بارے میں  سرینگر: پانچ دھماکے،آٹھ ہلاک11 July, 2006 | انڈیا دلی: جامع مسجد میں دھماکے14 April, 2006 | انڈیا احمد آباد:’ٹِفن‘ دھماکوں میں سزا12 May, 2006 | انڈیا آسام: بم دھماکے میں چار ہلاک09 June, 2006 | انڈیا | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
دھماکوں پر وڈیو رپورٹ
دھماکوں کے بعد کی کہانی
