 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
ممبئی میں دھماکے، 175 ہلاک | ||||||||||||||||||||||||||||||||||||||||
منگل کی شام ممبئی کے مقامی ٹرین نیٹ ورک پر تباہ کن دھماکوں میں ایک سو پچھتر افراد ہلاک اور چار سو سے زیادہ زخمی ہوگئے۔ شہر کے مختلف ہسپتالوں میں ہنگامی حالت نافذ ہے اور شہر میں ہر طرف کہرام مچا ہوا ہے۔ ہسپتالوں میں مریضوں کی حالت اور دھماکوں کی سنگینی کے باعث اس خدشے کا اظہار کیا جا رہا ہے کہ ہلاک شدگان کی تعداد کہیں زیادہ ہو سکتی ہے۔ بعض مقامی ذرائع ابلاغ کا دعوی ہے کہ مرنے والوں کی تعداد دو سو سے بھی متجاوز ہے۔ مہاراشٹرا کے وزیر اعلیٰ نے بتایا کہ مرنے والوں کی تعداد ایک سو پچھتر تک پہنچ گئی ہے۔
واقعات سے ظاہر ہوتا ہے کہ یہ بم دھماکے سوچے سمجھے منصوبے کے تحت ایک خاص دورانیے میں ایسے وقت کیئے گئے جب شہر کی ٹرینوں پر سب سے زیادہ رش ہوتا ہے۔ ہمارے نامہ نگاروں کے مطابق ٹرینوں کی آمد و رفت معطل ہونے کی وجہ سے رات گئے تک بے شمار افراد شہر میں پھنسے ہوئے تھے۔ پولیس کے مطابق دہشت گردی کی یہ کارروائیاں جن کی تعداد چھ سے سات بتائی گئی ہے، شام چھ بجے کے قریب ہوئیں۔ فوری طور پر کسی نے ان دھماکوں کی ذمہ داری قبول نہیں کی۔ سینکڑوں افراد زخمی ہیں۔ ممبئی میں شدید بارش جاری ہے جس کی وجہ سے امدادی کاموں میں مشکلات پیش آ رہی ہیں۔ دھماکوں کے بعد دلی میں ہنگامی طور پر اعلی سطح کے کئی اجلاس ہوئے جن میں دھماکوں کے بعد کی صورتِ حال پر تبادلۂ خیال کیا گیا۔اجلاس کے بعد وزیرِ داخلہ شیو راج پاٹل نے وزیرِ اعظم من موہن سنگھ کا ایک بیان پڑھ کر سنایا جس میں ممبئی میں ہونے والے دھماکوں کو دہشت گردی قرار دیا گیا ہے۔
پاکستان نے ان دھماکوں کی مذمت کی ہے۔ دفترِ خارجہ سے جاری ہونے والے ایک بیان میں صدر پرویز مشرف نے ممبئی میں دہشت گردی کے واقعات کی مذمت کرتے ہوئے قیمتی جانوں کے ضیاع پر دلی افسوس کا اظہار کیا ہے۔ ابتدائی اطلاعات سے پتہ چلا ہے کہ تین دھماکے ماھم، جوگیشوری اور بوریویلی کے سٹیشنوں پر ہوئے۔ جبکہ دو دھماکے سٹشینوں کے درمیان چلتی ہوئی ٹرینوں پر ہوئے ہیں۔ ممبئی میں دھماکوں کے بعد ریاست اتر پردیش میں بھی حفاظتی اقدامات کے تحت ریڈ الرٹ کا اعلان کر دیا گیا ہے جس وقت یہ دھماکے ہوئے اس وقت سٹیشنوں پر مسافروں کا ہجوم ہوتا ہے۔ ممبئی کے اس مقامی ٹرین نیٹ ورک پر روزانہ تقریبا چالیس لاکھ افراد سفر کرتے ہیں۔
اطلاعات کے مطابق پہلا دھماکہ کھار اور سینٹاکروز کے درمیان ایک مقامی ٹرین میں ہوا۔ اس دھماکے میں ٹرین کا ایک پورا ڈبہ تباہ ہوگیا۔ دوسرا دھماکہ میرا روڈ اور بھینڈر کے درمیان ایک لوکل ٹرین میں ہوا۔ اس کے بعد جوگیشوری، ماھم اور بوریویلی میں ٹرین سٹیشنوں پر دھماکے ہوئے۔ حکومت نے متاثرین کو اطلاع کی فوری فراہمی کے لیئے امدادی لائنز بھی قائم کی ہیں جن کے نمبر یہ ہیں۔ ممبئی: 22005388 (022) |  اسی بارے میں  سرینگر: پانچ دھماکے،آٹھ ہلاک11 July, 2006 | انڈیا دلی: جامع مسجد میں دھماکے14 April, 2006 | انڈیا احمد آباد:’ٹِفن‘ دھماکوں میں سزا12 May, 2006 | انڈیا آسام: بم دھماکے میں چار ہلاک09 June, 2006 | انڈیا | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
دھماکوں پر وڈیو رپورٹ
دھماکوں کے بعد کی کہانی
یہاں ہر طرف افراتفری ہے۔ دھماکوں کی جگہ پر بہت سی لاشیں ہیں۔ کچھ لاشیں لوگ لے گئے ہیں جبکہ کچھ وہیں پڑی ہیں۔ یہاں بہت تیز بارش بھی ہو رہی ہے۔
