 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
سپریم کورٹ کے حکم پر ہڑتال ختم | ||||||||||||||||||||||||||||||||||||||||
ہندوستان کے دارالحکومت دلی کے تمام ڈاکٹروں نے ہڑتال ختم کر نے کا اعلان کیا ہے۔ بدھ کے روز سپریم کورٹ نے ان ڈاکٹروں سے رزرویشن کے خلاف جاری ہڑتال ختم کرنے کا حکم دیا تھا اور جلد سے جلد کام پر واپس لوٹنے کو کہا تھا۔ ڈاکٹروں کی یہ ہڑتال گزشتہ 19 روز سے جاری تھی۔ ہڑتالی میڈکل طلباء کے نماندے وندو پاترو نے بی بی سی کو بتایا ہے شہر کے تمام ڈاکٹرز جمعرات سے کام پر لوٹ آئيں گے۔ لیکن انکا یہ بھی کہنا تھا حکومت کی رزرویشن کی پالیسی کے خلاف ڈاکٹروں کا احتجاج جاری رہے گا۔ عدالت نے ڈاکٹروں کو یقین دلایا تھا کہ ان کی شکایات پر غور کیا جائے گا۔ اعلیٰ تعلیمی اداروں میں پسماندہ طبقے کے لیے کوٹے کے خلاف دلی اور ملک کے دیگر شہروں میں جونئیر ز ڈاکٹر کئی روز سے ہڑتال پر تھے جس سے طبّی خدمات متاثر ہوئی ہیں۔ سپریم کورٹ نےاپنے فیصلے میں کہا تھا ’ہم ہدایت دیتے ہیں کہ تمام ہڑتالیں، احتجاج، مظاہرے اور کسی بھی طرح کی مخالفت فوری طور پر ختم کردی جائے۔‘ عدالت نے کہا کہ اگر ہڑتال ختم کردی جاتی ہے تو حکومت طلباء کے مطالبات پر سنجیدگی سے غور کرے گی اور ان کے خلاف کوئی سخت کارروائی نہیں کی جائے گی۔ اس سے قبل سپریم کورٹ نے ڈاکٹروں کو ہڑتال ختم کرنے کا مشورہ دیا تھا لیکن چونکہ طبّی خدمات بری طرح متاثر ہو رہی ہیں اس لیے عدالت نے اب سخت رخ اختیار کیا ہے۔ حکومت نے بھی ہڑتالی ڈاکٹروں کے خلاف سخت کارروائی کی تھی جس کے تحت ڈیوٹی پر نہ آنے کے سبب بہت سے ڈاکٹروں کو ملازمت سے خارج کرنے کے احکامات جاری کر دیے گیے تھے۔ سپریم کورٹ نے کہا ہے کہ جن ڈاکٹروں کو ملازمت سے برخاست کیا جاچکا ہے وہ اگر دوبارہ کام پرآنا چاہیں تو ان کی ملازمت دوبارہ بحال کردی جائیں گی۔
سپریم کورٹ نے یقین دہانی کرائی ہے کہ اگر حکومت ریزرویشن کا نفاذ کرے گی تو وہ عدالتی کارروائی کی حدود میں ہی ہوگی۔ کورٹ نے حکومت سے اگلے روز تک یہ رپورٹ بھی طلب کی ہے کہ آخر کتنے ڈاکٹر کام پر واپس آئے ہیں اور ہسپتالوں میں طبّی خدمات کا حال کیا ہے۔ حکومت نے ملک کے اعلی تعلیمی اداروں میں پسماندہ طبقے کے لیے ستائیس فیصد سیٹیں مخصوص کرنے کا فیصلہ کیا ہے۔ حکومت کے اس فیصلے کے خلاف زیادہ تر میڈیکل سٹوڈیٹنس احتجاج کر رہے ہیں۔ پٹنہ، بھوپال اور لکھنؤ جیسے شہروں میں ڈاکٹروں نے احتجاج کیا ہے لیکن زیادہ تر مظاہرے دارالحکوت دلی میں ہوئے ہیں۔ مبصرین کا کہنا ہے کہ ہڑتال میں شامل ہونے والے طلباء کی تعداد زیادہ نہیں ہے لیکن میڈیا میں اسے شہرت کچھ زیادہ ملی ہے۔ | 
اسی بارے میں  سپریم کورٹ ڈاکٹروں پر برہم30 May, 2006 | انڈیا پسماندگی کوٹہ: حکومت سے جواب طلبی29 May, 2006 | انڈیا دلی میں ڈاکٹروں کی ہڑتال 25 May, 2006 | انڈیا انڈیا:پسماندہ طبقے کےلیئے27 فیصدکوٹہ24 May, 2006 | انڈیا | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
سپریم کورٹ نے کہا ہے کہ جن ڈاکٹروں کو ملازمت سے برخاست کیا جاچکا ہے وہ اگر دوبارہ کام پرآنا چاہیں تو ان کی ملازمت دوبارہ بحال کردی جائیں گی۔
