خدیجہ عارف دلی، انڈیا

	ڈاکٹر چاہتے ہیں کہ حکومت کوٹہ سسٹم ختم کرے

ڈاکٹروں نے اپنی مہم تیز کرنے کے لیئے تمام طرح کی تجارتی سرگرمیوں کو بھی بند کرنے کی اپیل کی تھی لیکن کاروباری سرگرمیوں پر ہڑتال کا کوئی اثر نہیں پڑا ہے۔

اسی دوران ہندوستان کے وزیر اعظم منموہن سنگھ نے ایک بار پھر ڈاکٹروں سے ہرتال ختم کرنے کی اپیل کی ہے۔

اعلٰی تعلیمی اداروں میں پسماندہ طبقے کے لیئے ریزرویشن کے خلاف جونیئر ڈاکٹروں کی ہڑتال گزشتہ کئی روز سے جاری تھی لیکن جمعرات کو آل انڈیا میڈیکل انسٹی ٹیوٹ کے سینئر ڈاکٹروں نے اچانک اجتماعی چھٹی پر جانے کا اعلان کیا ہے۔

	دلی میں ڈاکٹروں کی ہڑتال کی وجہ سے مریض پریشان ہیں

فرید آباد کے آئی ایم کالج کے صدر ڈاکٹر اشوک چاولہ کا مانناہے کہ ’ہماری ہڑتال جاری رہے گی اور جب تک حکومت ہماری مانگ نہیں پوری کرتی تب تک ہم ہڑتال جاری رکھیں گے‘۔

چالیس سالہ دینیش گپتا کا ماننا ہے کہ ’اگر سرکار رزرویشن دینا چاہتی ہے تو غریب طبقہ کے لوگوں کو دے۔ ذات کے نام پر کوٹا دیکر سرکار ’ڈوائڈ اینڈ رول‘ کی پالیسی اپنا رہی ہے‘۔

آل انڈیا میڈکل انسٹی ٹیوٹ کی ڈاکٹر سشما کا خیال ہے کہ ’ہماری لڑائی کوٹے کی لڑائی نہیں ہے سچائی کی لڑائی ہے۔ ہم اپنا ملک چاہتے ہیں نہ کہ کوٹا‘۔

لیکن حکومت کا کہنا ہے کہ ملک کے پسماندہ طبقے کی ترقی کے لیئے کوٹہ ضروری ہے تاکہ وہ بھی ہر میدان میں آگے آسکیں۔

صدر اے پی جے ابوالکلام نے ڈاکٹروں اور میڈیکل طلبہ سے ہڑتال واپس لینے کی اپیل کی تھی۔ لیکن اسکے باوجود دلی کے کچھ ہسپتالوں میں ہڑتال جاری ہے۔