نارائن بارٹھ جےپور

	ہندوستانی معاشرے میں لڑکوں کو لڑکیوں پر ترجیح دی جاتی ہے

لڑکیوں کے جنین ضائع نہ کریں

بچے کی جنس بتانے پر سزا

انہوں نے بتایا کہ پولیس نے سرکاری اور نجی اسپتالوں کے 21 ڈاکروں کے خلاف پی این ڈی ٹی: یعنی پرینیٹل ڈیکٹشن ٹکنیک ایکٹ کے تحت کیس درج کیے ہیں۔

اس قانون کے تحت حاملہ عورت کے رحم میں بچے کی جنس کا پتہ لگانے کی غرض سے ’الٹرا ساؤنڈ‘ کرنا غیر قانونی ہے۔

دوسری جانب متعلقہ ڈاکٹروں نے عائد کیے جانے والے تمام الزامات کو غلط قرار دیا ہے۔

ریاست کی کئی دیگر سماجی تنظیموں نے اس معاملے میں پولیس کے بجائے سی بی آئی سے تفتیشی کارروائی کا مطالبہ کیا ہے۔

ایسی ہی ایک تنظیم پیپلز یونین آف سول لیبرٹی کی کویتا شریواستو کا کہنا ہے کہ ’ہمیں ریاستی ایجنسیوں پر بالکل بھروسہ نہیں ہے۔ اس اسکینڈل کی جانچ کی ذمےداری سی بی آئی کے حوالے کر دینا چاہیے‘۔

اسی دوران راجستھان میں لڑکیوں کی تیزی سے گھٹتی ہوئی تعداد کے معاملے کو اجاگر کرنے کے لیے دارالحکومت جے پور میں خاتون سماجی کارکنوں نے ایک جلوس بھی نکالا ہے۔

راجستھان میں اس وقت 1000 لڑکوں کی نسبت 922 لڑکیاں ہیں۔ خواتین کے تنظیموں کا کہنا ہے کہ حکومت ریاست میں پی این ڈي ٹی ایکٹ نافز کرنے میں ناکام رہی ہے۔

اس برس مارچ میں ہندوستان کی ریاست ہریانہ میں ایک ڈاکٹر کو رحمِ مادر میں موجود بچی کی جنس بتانے اور اسقاطِ حمل کی پیشکش کے جرم میں دو سال کی سزا سنائی گئی ہے۔

یہ پہلا موقع تھا جب ایسے کسی معاملے میں کسی شخص کو سزا سنائی گئی ہے۔ ایک دوسری رپورٹ میں کہا گیا ہے کہ ہندوستان میں گزشتہ بیس برسوں میں ایک کروڑ بچیوں کو پیدا ہونے سے پہلے ہی ہلاک کر دیا گیا ہے۔